Dili-25/11/2023-Media Defisiensia,
Eskola pre-eskolar 12 de Outubro Dulce de Jesus Tasi Tolu hala'o Serimoniu
graduasaun ba labarik graduadu hamutuk 112 iha Sabadu fim de semana ne'e.
iha serimónia graduasaun ne'e Xefe
Departamentu asesu kualidade edukasaun pre-eskolar Augustinho Biana iha
diskursu hateten, ema ne'ebé gradua mak ema sira ne'ebé lisensiatura maibé
labarik sira mós hetan gradua molok kontinua ba estudu iha eskola seluk tanbá
atu kontinua ba estudu seluk manorin pre-eskolar sira tenki forma uluk
hahalok respeitozu ba labarik sira no sivilizadu liu tan presiza inan aman no
manorin nia responsabilidade no konsiénsia ba labarik sira.
"Hakat ona husi fatin ida ba fatin
seluk signifika katak nia termina ona prosesu aprendisajen iha pre-eskolar ida
ne'e maibé ema ne'ebé halo graduasaun so ema ne'ebé mak termina iha lisensiadu,
masteradu no doutoramentu maibe mós pre-eskolar halo graduasaun hanesan mós
sira ne'ebé lisensiadu, formalmente ita fó ba sira, nune'e tuir mai bele hakat
ba edukasaun ne'ebé a'as no sira se'i halo graduasaun dala ida ou dala rua no
bele dala tolu tan, ida ne'e mak sentidu ita fo ba oan sira, tan ne'e edukasaun
la'os de'it responsavel mestri sira nian maibé responsabilidade ba inan aman no
komunidade tomak ninian tuir mehi ne'ebé sira iha, tanbá ne'e inan aman sira
presiza hatene ita nia lei dehan katak ensinu báziku obrigatóriu gratuítu maibé
pre- eskolar la'os obrigatóriu no la'os gratuítu maibe inportante, se la'os
obrigatóriu no la'os gratuítu oinsa kontribuisaun inan aman sira nian hodi
profesor sira kontinua lori ita nian oan sira ba prosesu aprendisajen tanbá
pre-eskolar se'i forma labarik sira nia karákter atu bele sai ema ne'ebé mak
sivilizadu no hatene respeita ema seluk no matenek iha sosiedade nia le'et,
mestri sira hanorin labarik sira la'os kakutak de'it maibe hanorin hahalok,
hanorin mós nia badaen". Dehan xefe departamentu asesu kualidade edukasaun
pre‐eskolar Augustinho Biana hafoin halo diskursu iha serimonia gradusaun
eskola pre-eskolar 12 Outubro Tasi-Tolu Díli Sabadu fim de semana ne'e,
25/11/2023.
Husi apredisajen ne'ebé manorin
pre-eskolar transforma forma karákter ba labarik sira atu koiñese hahalok no
reflete hahalok bainhira halo sala ruma la fasil muda atitude labarik sira
nian, ho nune'e nia konsidera manorin pre-eskolar sira-nia konsiénsia liu
manorin sira iha nível bo'ot
"Tanbá realidade hatudu katak ita nia
oan sira barak mak matenek maibé be'ik iha atitude, tanbá atu halo de'it
komprementus ba inan aman de'it difisil la halimar tanbá ne'e mak ha'u dehan
pre-eskolar presiza mestri forma sira nia karákter hatoman sira pelu menus fo
komprimentus ema seluk no hatene fo deskulpa bainhira halo sala ruma, mestri
sira pre-eskolar iha konsiénsia liu mestri sira iha ensinu sekundariu no ensinu
superior, inan ama tenki hatene ida ne'e no fo agradese ba mestri sira
pre-eskolar tanbá sira pasiénsia no tau a'an hanesan mestri hanesan mós inan ba
oan sira iha eskola". Nia hakotu diskursu ne'e ba inan-aman, kanorin
inklui manorin eskola pre-eskolar 12 Outubru Tasi-Tolu Díli iha oras Haleu
meudia.
Iha eskola pre-eskolar 12 Outubro
Tasi-Tolu Díli hala'o serimónia graduasaun ne'e ba dala lima ona no tinan ne'e
prodúz tan graduadu hamutuk 112.
Jornalista: Alexandre
Salsinha
Editor: Media RKDTL
0 Comments