Dili-15/11/2023-Media Defisiensia,
Raes Hadomi Timor Oan (RHTO) sei selebra loron Mundiál ba Ema ho Defisiensia
(EhD) iha Munisípiu RAEOA Oe-Cuse Ambenu ba Tinan ne'e.
Tuir Prezidente Komisaun Organizadora
Eduardo Tilman ba Media Defisiensia hatete, hare ba diskriminasaun EhD sira iha
área rurais ne'ebé mak makas, ho nune'e RHTO deside hodi Selebra iha Raeoa.
"Hahú husi tinan 2021 RHTO kopera
servisu hamutuk ho ita nia parseriu sira hodi realiza loron mundiál EhD iha
Manufahi, tuir fali mai iha tinan 2022 RHTO mós servisu hamutuk ho parseriu
sira inklui mós MSSI hodi selebra Loron Mundiál ba Ema ho Defisiensia iha
Munisípiu Ermera. husi ida ne'e RHTO mós iha planu kedas iha tinan 2023 RHTO
sei selebra loron Mundiál ba Ema ho Defisiensia iha Munisípiu Raeoa tanba hare
ba diskriminasaun bá ema ho Defisiensia sira ne'e iha área rurais ne'e makas
tebes, husi informasaun sira ne'ebé ami hetan maka ami desidi selebrasaun loron
mundiál EhD tinan 2023 sei hala'o iha Raeoa atu nune'e bele lori sosializasaun
sira atu hakbesik ba EhD no mós komunidade sira,"dehan Eduardo iha
Esifisiu RHTO.
Nia hatutan, antes ne'e RHTO enkontru ona
ho prezidente Autoridade no mós parseriu sira hanesan SRS, Obras Publik, ho
sosiedade sivil sira kona ba preparasaun loron mundiál EhD nian iha tinan ne'e.
Nune'e mós iha 6 Novembru ekipa komisaun
Organizadora tun fila fali ba Raeoa hamutuk ho fokal point asuntu Defisiensia
MSSI iha Munisípiu Raeoa hodi halo audensia ho prezidente Autoridade Raeoa nian
hodi esplika detallu kona ba atividade no orsamentu ne'ebé RHTO, SRS, MSSI
utiliza ba iha eventu ne'e.
Enkuantu eventu ne'e hetan apoiu orsamentu
husi parseriu sira hanesan PHD ho totál orsamentu ne'ebé apoiu 7,000.00 dólar,
Oxfam 6,000.00 SRS 2,500.00 World Vision 1,200.00 inklui mós fundu ne'ebé RHTO
iha. No total orsamentu ne'ebé utiliza ba iha eventu ne'e hamutuk kuaze
20,000.00.
Jornalista: Alexandre Salsinha Angelmo
Editor: Media RKDTL
0 Comments