Dili-14/11/2023-Média Defisiensia, Secretaria
de Estado da protecão Civil hetan vizita husi Embaixadór Auistralia hodi koalia kona-ba hametin koperasaun entre Governu
Australia ho Protesaun Sivil Timor-Leste hodi apoiu dezastre naturais iha Timor-Leste .
Tuir Secretaria de Estado da protecão Civil Domingos
Mariano Reis hatete agradese ba vizita husi Embaixador Australia ne’e hodi
koalia kona-ba atu hametin koperasaun Protesaun Sivil hodi apoiu ba redusaun risku
dezastre naturais ne’ebé akontese iha Timor-Leste no objetivu seluk atu koalia
kona-ba situasaun tempu bailoron naruk karik akontese iha Timor Leste.
“Ami sente Orgullu tanba hetan vizita husi embaixador Australia
mai vizita ne’e ho objetivu atu hametin koperasaun Governu Australia ho Autoridade
Protesaun Sivil hodi responde ba risku dezsatre naturais iha Timor Leste no
koalia mos kona-ba kuandu bailoron naruk Governu Australia nafatin apoiu ita
hanesan bee menus sira apoiu bee ho eskala grau ne’ebé mak boot Governu
Australia prontu apoiu bainhira hetan ona deklarasaun husi Governu Timor-Leste
liuhusi protesaun sivil” dehan sekretariu estadu APC
Nia hatutan, kooperasaun ida ne’e sei kontinua nafatin
hodi apoiu ba akontesimentu sira ne’ebé sei akontese iha Timor-Leste, tamba
agora daudaun Timor-Leste infrenta dezastre naturais barak iha Municipio sira.
Iha fatin hanesan Embaixadór Australia iha Timor-Leste
Rebecca Dodd hatete, vizita ida ne’e atu rona planu no programa husi Secretaria
de Estado da protecão Civil nian, nune’e husi sira nia parte bele apoiu
protesaun sivil ba dezastre naturais ne’ebé akontese iha Timor-Leste.
“Objetivu ohin loron vizita ne’e ami atu rona
sekretariu estadu nia planu no programa sira ba iha area risku dezastre nian no
haree mós kona-ba asuntu tempu bailoron nian no asuntu seluk tanba Ami iha
relasaun ne’ebé di’ak ho protesaun sivil dadaun ne’e ami apoiu iha parte
dezastre nian ida ne’e ami kontinua apoiu ba oin liuhusi Protesaun Sivil” dehan
Embaixador Australia.
Entretantu sorumutu refere iha sala Secretaria de
Estado da protecão Civil Kaikoli Dili.
Jornalista: Geraldino Magno
Media RKDTL
0 Comments