TRABALLADOR 67 SEI ARANKA BA SERVISU IHA AREA AGRIKULTURA NO OSPITALIDADE

 

Dili-23/10/2023-Media Defisiensia, Traballador 67 feto 29 no mane 38 hala’o  serimonia despedida ho familia no sentru Formasaun  SEFOPE iha salaun Suai Room Timor Plaza Dili, no sei aranka ba servisu iha Australia iha tempu besik.

Vise Primeiru Ministru no Ministru  koordenador dos Asuntos Ekonomicos  Turizmu no Ambiente Calbuadi Lay  husu ba traballador sira atu ba servisu ho disiplina no respeita tuir regras sira ne’ebé maka implementa ona iha ema nia rain.

“Kumpri regras no disiplina tuir deklarasaun sira ne’ebé ema ida-idak halo ona promesa ba nia aan, tamba ba lori nasaun nia naran nune’e labele halo foer nasaun nia naran, hare malu no kuidadu malu koalia respeita no labele halai sai husi sistema mantein nafatin to’o kontratu remata atu nune’e labele taka dalan ba maluk sira seluk”. Tenik Calbuadi Lay

Iha fatin hanesan Diretor Jeral Formasaun Profisionál no Emprego Carlito do Rosario Cabral hatete, serimonia despedida hodi hato’o liafuan konsolida ba maluk traballador sira husi familia nomós Sentru SEFOPE hodi tuir regras no disiplina bainhira ba iha ema nia rain.

“Hau mo’os kontente tebes hasoru malu ho familia husi traballador sira liuhusi   oportunidade ida ne’e imi nia servisu makas hodi toma responsablidade hotu iha uma laran hodi kontinua apoiu motiva imi nia oan sira. Australia Orguliu tebes atu halao parseiro ho Timor Leste iha tinan 2023 oportunidade barak tebes ho area ne’ebé oi-oin atu Timoroan   bele aproveita hodi hadia povu Timor-Leste nia moris” dehan Diretor Jeral

Diretor ne’e hatutan enkoraza nafatin traballador sira husi oportunidade ne’ebé hetan ona servisu ho di’ak no aproveita ho di’ak bainhira fila mai Timor-Leste bele halo mudansa ba familia nia moris no Nasaun Timor-Leste.

Jornalista: Jeraldino Magno & Aselmo Martins

Editor: RKDTL