Dili-24/10/2023-Média Defisiensia, Plan International ho Fundasaun CAUCUS realiza Kolokiu Nasional hodi promove partisipasaun feto, joven no ema ho defisiensia iha eleisaun suku 2023
Diretora
Fundasaun CAUCUS Teresinha M. N. Cardoso hatete objetivu husi realiza Kolokiu
Nasional atu rona maluk feto sira nia lian hodi prepara ba eleisaun hodi promove
maluk feto iha prosesu dezenvolvimentu tanba maluk feto barak mak kandidata aan
ba iha eleisaun suku tinan ida ne’e.
“Ami
haree liu ba promove feto maluk sira nia Profile no kandidatura feto maluk
hamutuk 241 husi munisipiu sanulu resin tolu inklui Raeoa Oecusi tanba ne’e
asaun sira ne’ebé feto sira foti signifikativu no positivu ita haree katak feto
sira mai ho vontade rasik ho nivel edukasaun ne’ebé altu hodi kompete , apresiasaun
mos ba kolega feto sira hanesan defisiente,
LGBTIQ sira mós hola parte hotu iha kadidatura ba eleisaun suku hodi dezenvolve
ida-idak nia suku”, dehan Diretora CAUCUS iha Salaun Delta Nova.
Nia subliña husu ba maluk feto ka mane juventude, ferik no katuas sira ne’ebé iha kapasidade no iha koiñesimentu diak atu kandidata an ba xefe suku tanba ne’e husu ba komunidade sira atu fó konfiansa no votu ba feto maluk sira iha eleisaun tinan ida ne’e.
Iha
fatin hanesan Embaixadór Uniaun Europeia iha Timor-Leste Marc Fiedrich hatete,
orgullu no apoiu liu husi NGO Internasional no Fudasaun Caucus hodi realiza Eventu
Kolokiu Nasional ba maluk feto sira, no Ema ho Defisiensia, LGBTQ no ema hotu
iha direitu no vontade hodi partisipa iha eleisaun ne’e.
“Ami
nia suporta hakarak ema hotu nia partisipasaun nu’udar votante no kandidata aan
ida ne’e mak Uniaun Europeia nia apoiu makas tanba ne’e apoiu ba Organizasaun
Sivil atu apoiu eventu ne’e hodi asegura katak ema feto no maluk defisiensia
sira, LGBTQ no ema hotu iha direitu atu partisipa iha eleisaun ida ne’e”, dehan
Embaixadór Marc.
Nia Salienta sira nia espetativa ba feto sira nia partisipasaun iha eleisaun tinan ida ne’e numeru sa’e makas tanba feto barak mak kompete hotu ba eleisaun suku espera katak sei iha liderasa feto ne’ebé mak diak hodi lidera suku sira ne’ebé sira hola parte ba.
Jornalista:
Geraldino Magno no Eufrosina S. Brás.
Media:
RKDTL
0 Comments