Dili-05/10/2023- Media Defisiensia, Ema
ho Defisiensia barak mak partisipa iha Elisaun sira laho seguru no segredu no
fatin fatin votasaun laiha asebilidade ba ema ho Defisiensia.
Iha intervista ba Jornalista sira Programa Manejer
ADTL Rosalia Tereza Perreira hateten, husu ba Governu atu tau atensaun ba Ema
ho Defisiensia nia nesesidade liu-liu ba iha Elisaun sira atu nune’e Ema ho Defisiensia
bele asesu iha Elisaun ho Segugru no segredu.
“Problema sira ne’e Ema ho Defisiensia hasoru ba vota
iha vulentin presiza iha brille atu nune’e sira la presiza asistensia atu
akonpaña sira, nune’e sira nain rasik ba vota nomos Defisiensia Tilun sira dala
ruma iha fatin votasaun sira labele vota ho diak tanba iha ne’eba laiha
tradutor/a lian jestual iha ne’eba, parte CNE no STAE liga sira nia servisu mos
atu nune’e iha fatin votasaun ne’e bele taun ema ida tradutor/a iha lian
Jestual, nune’e hafasil Ema ho Defisiensia Tilun sira bele hakbesik-an iha
votasaun” Dehan Programa Manejer ADTL Rosalia Tereza Perreira iha Salaun São
Paulo II Comoro.
Iha fatin hanesan Diretora Asuntu Nasional Edukasaun
Eleitoral no Planeamentu Romenia Madeira Perreira hateten Elisaun Suku sei
realiza iha loron 28 Fulan Outubru tinan ida ne’e
“Elisaun Suku sei Akontese iha dia 28 kada Aldeia no
votante sira sei mai ida-idak nia aldeia hodi ezerse sira nia direitu iha dia
28 maneira ne’ebe uza hodi vota maka Kartaun Eleitoral” tenik Diretora Asuntu
Nasional Edukasaun Eleitoral no Planeamentu Romenia Madeira Perreira iha Salaun
São Paulo II Comoro.
Enkuantu sorumutu ida ne’e hetan partisipasaun masimu
husi Ema ho Defisiensia hodi fahe informasaun ba preokupasaun sira EhD nian
hodi asesu ba Elisaun Suku ne’ebe sei realiza iha fulan Otubru tinan 2023.
Jornalista: Pascoal N. de Jesus
Editor: Alexandre Salsinha
0 Comments