Dili-11/10/2023-Media
Defisiensia, Hospital Nacional Guido Valadares hato’o agradese no halo
serimonia despedida ba doutór Espesialista Chinesa nain (12) ne’ebé durante
ne’e hala’o servisu no apoiu ona iha Hospital Nacional Guido Valadares Dili.
Vice
Ministro Operasionalizasaun Hospital Flávio Brandão Mendes de Araújo hatete,
Hospital Nacional Guido Valadares servisu hamutuk ho Doutór espesialista
Chinesa sira hodi mai apoiu iha hospital refere ho mandatu ba tinan rua.
“Ami
nia servisu ka koperasaun ida ne’e ami hala’o ona durante tinan sanulu, entre
Timor-Leste ho Doutór Espesialista Chinese ne’ebé ho durasaun tempu ba sira
tinan (2), depois de remata mandatu troka fali
sira ne’ebé foun hodi kontinua fó
apoiu mai iha Timor-Leste, tamba ne’e ohin loron halo despedida ba sira nain
(12) hodi remata mandatu iha tinan ida ne’e” dehan doutór Flávio Brandão Mendes
de Araújo.
Nia
hatutan, presija halo koperasaun di’ak liután ho Doutór espesialista sira husi
rai liur hodi bele apoiu ba iha hospital sira nune’e pasiente sira bele hetan
tratamentu ne’ebé di’ak.
Iha
fatin hanesan Diretór Jerál Hospital Nacional Guido Valadares (HNGV) Marcelino
Correia hatete, agradese ba Brigada Medico Espesialista Chinese ne’ebé apoiu
ona doutór sira iha hospital refere, mai ho area oioin durante tinan rua nia
laran.
“Durante
ne’e Brigada Medico Chinese sira nia koperasaun di’ak tebes, fó apoiu ba area
oioin hanesan fasilita formasaun ba Medico Timor oan sira apoiu mos ekipamentus
iha fasilidade saude nian”. Dehan Diretór HNGV
Diretór
ne’e salienta, kada loron ba loron
pasiente sai tama iha hospital refere mai ho moras oioin ne’ebé aumenta,
tamba ne’e presija iha ekipamentus ne’ebe di’ak no fasilita formasaun
barak ba medico sira atu nune’e bele halo tratamentu hodi hamenus moras
sira ne’ebé aumenta iha ita nia rain.
Jornalista:
Pascoal Nascimento de Jesus
Editor:
Alexandre Salsinha
0 Comments