DILI-12/10/2023-Média
Defisiensia Uniaun Defisiensia Matan Timor-Leste (UDMTL) hamutuk ho
SASCA realiza abertura letra brille ba Ema ho Defisiensia Matan hodi fó
formasaun kona-ba letra brille durante
fulan tolu.
Representante
diretor SASCA Izaias Soares Guteres hatete, kada tinan halo abertura ba
proposta hodi haree Organizasaun Sivil sira inklui mos grupo komunitariu tanba
iha periodu ida ne’e SASCA simu proposta barak hamutuk atus tolu tolu nulu resin
tolu (333).
“SASCA
kada tinan halo abertura ba proposta sira hotu husi Organizasaun Sivil sira
inklui mos Grupo Komunitariu sira iha tinan ida ne’e no periodu ida ne’e
rezistu proposta tama ona iha SASCA atus tolu tou nulu resin tolu (333), tinan
ida ne’e simu proposta barak tanba SASCA mos simu pedidu husi Administrador Munisipiu
sira” Dehan Representante diretor SASCA Izaias Soares iha Salaun UDMTL Bekora.
Nia
salienta SASCAS sei haree ba rekizitu sira no ekipa sei tun direita hodi observa Ezistensiia
Organizasaun sira nian liuhusi programa no atividade ne’ebé sira iha.
“Ami
hare ba sira nia rekezitus sira ne’ebe SASCAS halo orsida asesu ne’e ekipa
tun direita ba hare sira nia ezistensia ka baze depois kontinua ba seleksaun
final hare ona ba programa atividade nebe sira halo entaun iha seleksaun final
ne’e konsegue iha ona proposta atus ida lima nulu resin rua (152) mak passa ona
hodi hetan ekipa seleksaun proposta ida ne’e mak orsida submete dokumentus
dadus sira ne’e ba SASCAS hodi distribui fundus ne’e ba sira no proposta sira
ne’ebe liu ona seidauk Aselera sira nia kontratu kestaun dokumentus balu sira
seidauk asina kontraktu transferensia” hatutan nia.
Iha
fatin hanesan Diretor Ezekutivu UDMTL Jacinto Perreira hatete, abertura ba formasaun letra brille ida ne’e sai parte importante ba
maluk defisiensia sira hodi bele asesu ba iha setor edukasaun.
“Ita
halo abertura ba formasaun Letra Brille nian oinsa atu hakerek ho letra brille ne’ebé
ho di’ak presiza fó formasaun kada tinan ba membru foun sira hamutuk ema tolu
nunu (30) iha tinan ida ne’e formasaun fulan tolu no formadór sira mai husi UDMTL
rasik sira ne’ebé aprende uluk ona no sira hatene kona-ba letra brille mak bele
sai formadór ba sira nia maluk foun”,
dehan Diretor Jacinto.
Nune’e
mos reprezentante formandu Rojerio Matos husi UDMTL sente kontenti tebes
bainhira tuir ona formasaun refere bele kapasita nia atu bele sai hanesan mos
kolega sira seluk.
“Hau
senti kontente tebes formasaun ida ne’e bele atu kapasita hau nia hanoin para
atu nune’e hau mo’os bele sai hanesan fali kolega sira seluk ne’ebe agora
dau-daun lidera hela pozisaun ida ne’e hau mos lakoi atu halimar deit iha uma
sekarik hau halimar deit iha uma tinan 5 nia laran ne’e hau senti hau baruk
fali hau toman bu’at ida aprende ne’e
mak sai hanesan motivasaun ida ne’ebé diak mai hau para bele tuir
formasaun ne’ebé mak durante ne’e hau tuir hela hodi fo fila fali ba hau nia
kolega sira seluk” tenik nia Rojerio.
Enkuantu
total partisipante atu tuir formasaun kona-ba Letra Brille hamutuk tolu nulu
durante fulan tolu no Organizasaun Refere hetan apoiu fundus husi SASCAS.
Jornalista:
Geraldino Pereira Magno no Anselmo da Costa Martins.
Editor:
Media RKDTL
0 Comments