Dili-16/10/2023-Media Defisiensia,
Eskola Sekundaria Teknika Informatika Ahisaun St. Antonio Metinaro realiza ona Ezame
Nasional ba loron dahuluk, hanesan kriteria ida husi Edukasaun hodi hatene kona
ba pasajen Estudante Finalista sira nian iha Ezame Nasional.
Iha intervista ba Media RKDTL Professor husi Eskola
Sekundaria Teknika Informatika Ahisaun St. Antonio Metinaro hanesan Komisaun
Organizador ba Ezame Nasional Horacio de Fatima hatete, Objetivu husi Ezame Nasiona
ida ne’e hanesan kriteria ida husi Ministeriu ba Estudante Finalista sira atu
hetan Diploma.
"Objetivu husi Ezame Nasional ne'e hanesan
kriteria ida husi Ministeriu Edukasaun hatur ona ba Eskola iha Teritoriu Timor
laran tomak hodi hatene kona ba pasajem husi Estudante Finalista ne’ebe mai husi
Eskola Ida-idak" dehan Komisaun Organizadora Horacio de Fatima iha Sala
Eskritoriu ESTV ESTICA St. Antonio Metinaro.
Nia Salienta tan katak razaun Fundamental husi Ezame
Nasional ida ne’e hodi bele hetan Diploma ne'ebe fo husi Ministeriu Edukasaun,
tanba Diploma ne'e la'os husi Eskola mak fo ba Estudante Finalista sira.
Enkuantu Estudante Finalista nebe tuir Ezame Nasional
hamutuk sanulu, kompostu husi Mane nain Lima no feto nain lima no Ezame Nasional
reliza ona ba dala IV iha ESTV ESTICA ST. ANTONIO Metinaro Dili.
Jornalista: Ermenciana Alves
Editor: Media RKDTL
0 Comments