FETO MOS BELE HALO DEZENVOLVIMENTU IHA TL

 

Sekretaria Estadu ba Igualdade Elvina de Sousa Carvalho

Dili: 04/10/2023- Media Defisiensia, Sekretaria Estadu ba Igualdade hamutuk ho Ministeriu Justisa no UNDP realiza Seminariu ho Diskusaun Meja Redonda ho Empoderamentu Feto Potesial hodi hatene dezafius ne’ebe Feto sira hasoru durante haknar-an iha autor justisa sira.

Tuir Sekretaria Estadu ba Igualdade Elvina de Sousa Carvalho iha intervista hatete objetivu husi diskusaun ida ne’e hodi hatene ona katak feto sei nafatin hasoru desafius barak tamba ne’e hamutuk hodi hamenus desafius sira nune’e fo oportunidade ne’ebe hanesan ba feto sira.

“Objektivu maka atu bele deskobre no hatene dezafius saida maka feto sira hasoru, bainhira haknar an hanesan Autor ba Justisa sira, ohin ita hare’e meditisima Juiza sira nia esperensia barak maka meritu iha kualidade ne’ebe mak matenek timoroan sira, iha mos dignisimu prokurador fo sira nia opiniaun hanoin esperensia saida mak sira halo, no kontribuisaun, aleinde hanesa feto mos iha Autor de Justisa, ho nune’e ohin mos iha oportrunidade diak hodi lori ema hotu inklui DPU no mos Sosiedade Sivil mai koalia kona ba dezafiu saida mak sira hasoru  husi dezafius no diskusaun sira hotu ne’ebe mak ita hasoru hodi fo sai hamutuk buka dalan fo solusaun atu bele hamenus sasatan sira atu bele fo oportunidade ba feto sira” dehan Seketaria Estadu ba Igualdade Elvina de Sousa Carvalho iha Hotel Timor.

Seketaria Estadu ba Igualdade ne’e hatutan nafatin enkoraja ba feto sira hotu liu-liu feto sira iha Universitariu tenki iha abilidade ne’ebe diak ba Lingua sira nune’e prepara an didiak hodi bele halo Dezenvolvimentu iha rai ida ne’e, liu husi Setor Justisa iha Timor-Leste.

Representante Estudante UNPAZ Fakuldade Direitu ho kondisaun Defisiensia Virzinha Maia 

iha fatin hanesan Representante Estudante UNPAZ Fakuldade Direitu ho kondisaun Defisiensia Virsinha Maia hatete, Sente orgulu no kontente tebes partesipa iha Seminariu ida ne’e hodi hato’o mos desafius sira ne’ebe ema ho defisiensia sira hasoru durante ne’e.

“Seminariu ba ohin loron iha parte ida hau kontenti tebes, tamba ha’u bele hato’o Difikuldade ba ami Defisiensia, liu-liu ba Defisiensia Matan sira ne’ebe hasoru Violensia Domestika, nomos Violensia Seksual, ida ne’e hau orgulhu tebes tamba bele hetan oportunidade ba seminiariu ida ne’e, maibe hau triste uituan husi Seminariu ida ohin ne’e hau aprezentasaun husi Universidade, tamba ne’e hau triste ho hau nia Kolega Defisiensia barak mak la asesu ba Formasaun ida ohin ne’e. tuir lolos ne’e formasaun ohin loron ne’e tenki fo oportunidade liu-liu ba ami ho Defisiensia sira, tamba iha ne’eba ne’e koalia liu konaba ba violensia domestika no violensia sexual, no mos Deskriminasaun” Tenik Virsinha Maia.

Nia hatutan liu husi Seminariu ida ne’e bele aumenta nia koñesementu nune’e bele motiva fila fali maluk Defisiensia sira atu hadok an husi problema hanesen Violasaun Domestika, Seksual no Deskriminasaun iha Timor-Leste

Enkuantu iha Seminariu refere parsipasaun masimu husi Organizasaun Nasional, Ajensia Internasional, Organizasaun feto, nomos inklui Estudante husi Universidade UNTL, UNDIL, no UNPAZ.

Jornalista: Eufrosina Soares Bras ho Pascoal N. de Jesus

Editor: Alexandre Salsinha