Dili-05/10/2023-Media
Defisiensia, Feto iha direitu hodi kandidata ba eleisaun suco hodi
investe kapasidade feto nian iha Timor-Leste.
Sekretaria
Estadu ba Igualidade Elvina de Sousa Carvalho hatete, planu estratejia ba Igualidade
Generu ba Feto importante tebes hodi halo parseria ho Sosiedade Sivil, no liñas
Ministeriais hodi haforsa feto sai lideransa iha komunidade ida nia le’et.
“Ami
nia aktividade ne’ebé mak (SEI) halo ba planu asaun ba tinan lima hodi bele
asegura komisaun igualdade generu iha politika iha lei no orsamentu
sensibilidade ba Generu, hodi bele atinji sosiedade ida ne’ebé justu no igual
ba Feto no Mane atu kandidata ba eleisaun suku no sai lideransa iha servisu politiku no governu sira”. Tenik
Secretaria Elvina de Sousa Carvalho iha Salaun City 8
Secretaria
ne’e salienta, servisu (SEI) sei hare ba parte hotu nune’e bele motiva maluk
feto sira ba iha kualker servisu hotu, sei la iha limitasaun entre Feto ou Mane
maibé hare ba kbi’it no kapasidade atu bele jere servisu sira.
Iha
fatin hanesan Presidente Asosiasaun Feto Municipio Dili Maria Fatima Amorin
Pereira hatete, nafatin hala’o programa
Formasaun ba feto sira nune’e bele enkoraja sira hodi hola parte iha Politiku
servisu governu nian, nomós bele sai Lideransa iha Municipio no Suku sira.
“Objetivu
realiza planu estartejia ida ne’e hodi hare ba periodu ba tinan 2023 to’o 2028
ba iha parte igualidade Generu foka liu ba programa forsa hakbi’it feto hodi
kandidata ba Elisaun Suco. Tuir observasaun ne’ebé iha feto lubuk ida ona maka
kandidata ona ba Eleisaun Suco iha posto-Administrativu lima (5), iha suco (31)
maka akumula husi Xefe Suco, Xefe Aldeia, nomós delegada ho feto de’it, tamba
ne’e liuhusi formasaun sira bele haforsa di’ak liután sira nia mentalidade atu
lidera”. Dehan presidente Asosiasaun Municipio Dili
Nia
hatutan, Asosiasaun Municipio Dili rekolla ona lista feto kandidata sira husi Municipio sanulu resin
tolu (13), no sei aprezenta lista refere iha dia 13 de Outobru 2023 nune’e hodi
hein ba eleisaun.
Presidente
ne’e rekomenda ba maluk feto sira nafatin iha konfiansa hodi kontribui hodi
haforsa igualidade generu hodi kompete ho mane sira iha lei demokrasia ne’ebé
eziste iha Timor-Leste.
Jornalista: Anselmo J.M. da C. Martins
Editor: Alexandre Salsinha
0 Comments