Dili-20/09/2023-Media Defisiensia, UNICEF iha Timor-Leste
hala’o enkontru ho Prezidente Parlamentu hodi ko’alia kona ba Mortalidade
Labarik no Mal-nutrisaun iha TL ne’ebé aas tebes iha Mundo Global.
Tuir Reprezentante UNICEF Tapuwa Loreen Mutseyekwa
hanesan Advocacy and communication specialist hatete, iha enkontru ne’e ko’alia
liu kona ba oinsa atu apoiu TL hodi hare kona ba Mortalidade Labarik no Mal-nutrisaun.
“ha’u hanesan reprezentante UNICEF iha Timor-Leste ne’ebé
mak iha oportunidade atu hasoru malu ho sua exelensia Prezidenti Parlamentu
hodi ko’alia kona ba kestaun labarik, tanba ita hatene katak asuntu Mortalidade
ba Labarik sira no mos Mal-nutrisaun ne’ebé Timor-Leste hasoru aas tebes iha
globalmente, entaun ho ida ne’e husu apoiu ba Parlamentu Nasional liuliu kona
ba lideransa sua exelensia nian oinsa mak bele apoiu UNICEF, Ministeriu sira atu
bele servisu hamutuk hodi kombate situasaun iha Timor-Leste,” dehan Tapuwa
Loreen Mutseyekwa iha PN kuarta feira horisehik.
Nia hatutan, vice Primeiru Ministru Mariano Asanami
Sabino fó ona nia komitmentu atu estabelese fatin kona-ba estratejia dezenvolvimentu
ba labarik sira iha Timor-Leste hodi redus Mortalidade no Mal- Nutrisaun.
Enkuantu tuir informasaun hirak ne’e hatudu katak Timor-Leste
agora dau-daun mak sai hanesan primeiru lugar ba Mortalidade Labarik no Mal-Nutrisaun
iha Mundu Global.
Intervista: Alexandre Salsinha
Editor: Alexandre Salsinha
0 Comments