Dili-21/09/2023-Media Dificiensia, Ministeriu
Edukasaun hala’o enkontru hamutuk ho Programa Hatutan ne’ebe mak fo ona apoiu
ba Eskola Ensinu Báziku sira iha Munisipiu tolu, iklui Raeoa Oecusse lia hira
ne’e hato’o husi Ministra Edukasaun Dulce de Jesus Soares iha Salaun Edukasaun
Vila Verde ba Jornalista sira.
‘‘Ohin enkontru entre Ministeriu Edukasaun ho Programa
Hatutan ne’ebe mak fo apoiu ba Eskola Ensinu Basiku sira iha Munisipiu tolu mak
hanesan Manatutu, Ermera, Ainaru no inklui Raeoa Oecusse, aktividade ka
programa ne’e hala’o apoiu ba Jestaun Eskolar Literasia, Inklusaun, Merenda
Eskolar, Jestor Eskola nian no mos iha Programa Eskolar, dadus ne’ebe
importante tebes ba ema hotu hatene katak literasia le’e no hakerek ne’e iha
timor ne’e sei sai problema iha fator barak mak kontribui hodi halo taxa
literasia’’ dehan Ministra Edukasaun
Ministra Edukasaun ne’e haktuir, relatoriu ne’ebe hato’o dadus
ba atividade ka programa ne’e importante tanba Nasaun Timor-Leste sei sai
problema ba literasia le’e no hakerek.
“Relatoriu ne’ebe mak aprezenta dadus importante tebes
maka literasia le’e no hakerek maibe ita nia rain Timor ida ne’e sei problema
hela ba literasia importante sira ne’e, fator barak mak kontribui hodi hamenus
taxa literasia, ezemplu Profesores sira abandona Eskola buka falta Eskola no Estudante
sira mos falta Eskola tuir sira nia hakarak nomos eskola barak mak inventa
feriadu konforme atividade ruma akontese iha eskola refere’’ nia dehan.
Iha fatin hanean Xefi programa hatutan Nicole Seibel
hatete, Edukasaun Nutrisaun la’o ona durante tinan lima (5) no iha estensaun
ne’ebe atu kolia to’o tinan 2027, avaliasaun ne’e hamutuk ho edukasaun estuda
oinsa livre no kontinua ba progresu sira.
“programa hatutan Edukasaun Nutrisaun hanesan sua
exelensia koalia ona iha dadus ne’ebe lao durante tinan lima ona iha estensaun
ne’ebe atu koalia to’o tinan 2027, entaun ne’e avaliasaun hamutuk ho Edukasaun
estuda oinsa livre kontinua saida mak progresu ne’ebe bo’ot dunik para halo
rekoperasaun ba Liberdade lei menus liu tempu Covid 19 nian eskola sira tenki
taka no halo rekuperasaun ne’e seidauk to’o iha nivel internasional. Entaun
kontinua dezafiu ne’e hare’e maka dadus balu ne’ebe alunu tenki marka prezensa
iha eskola,” tenik Xefe Progrma Hatutan.
Jornalista:
Eufrosina Soares Brás
Editor:
Alexandre Salsinha
0 Comments