Dili-21/09/2023-Media Defisiensia,
Ministeiru Edukasaun ho UNFPA realiza enkontru koalia kona-ba programa UNFPA kontinua
apoiu Ministeiru Edukasaun hodi reforsa iha kurikulu atu haree no halo revizaun
ba kurikulu nune‘e aumenta prátika barak iha eskola sekundaria sira.
Tuir Ministra Educação Dulce de Jesus Soares hatete, liu
husi enkontru refere atu koalia UNFPA nia apoiu halo revizaun ba kurikulum kona
ba prátika saude sexual komprensivu iha eskola sira.
“Objetivu husi enkontru ne’e UNFPA atu apoiu Ministeiru
Edukasaun hodi haree ba iha ensinu sekundariu no halo revizaun ba kurikulu sira
protu atu apoiu hodi bele reforsa tan kurikulu tanba UNFPA nia observasaun iha
kurikulu ne’e dala barak liu teoria ne’ebé mak la dun fó pratika ba estudante
sira menus liu pratika tanba ne’e kuandu sira remata sekundariu sira la konsege
uza buat ne’ebe sira aprende iha eskola durante sira nia moris loro-loron”
Dehan Ministra Edukasaun.
Nia sublina UNFPA mos identifika ba eskola Tekniku
Agrikola hodi haree no kria kurikulu foun nune‘e bele tau prioridade liu ba iha
pratika.
Representante UNFPA Pressia Arifin Cabo hatete, UNFPA orgullu
tebes bele realiza enkontru ho Ministeiru Edukasaun Ensinu Baziku koalia konaba
oinsa atu entegra saude sexual komprensivu kurikulu husi primariu, ensinu
baziku no ensinu sekundariu.
“Hau hanoin edukasaun sexual komprensivu ne’e importante
tebes, iha apoiu husi UNFPA hodi realiza programa ida ne’e ho fundu no teknikal,”
tenik Pressia Arifin Cabo.
Entretantu tuir dadus ne’ebé UNFPA identifika ona 2 mil
tama ba universidade, 18 mil la eskola tanba ne’e UNFPA kria programa ne’e hodi
bele ajuda estudante sekundariu sira.
Jornalista: Alexandre Salsinha & Geraldino Magno
Editor : Alexandre Salsinha
0 Comments