TRABALHADOR NAIN 7 SEI ARANKA BA JAPAUN IHA TEMPU BESIK

 
Secretariu Estadu SEFOPE Rogeiro Araujo Mendonça

Dili-15/09/2023, Media Defisiensia - dahuluk Timor oan nain 7 sei ba servisu iha Japaun, Sekretariu Estadu SEFOPE hamutuk ho Embaixada Japaun iha Timor-Leste hala’o seremonia despedida no asina akordu ho familia trabalhador nain 7 ne’ebé iha tempo besik sei aranka ba servisu iha Japaun.

Tuir Secretariu Estadu SEFOPE Rogeiro Araujo Mendonça iha nia intervista hatete, apresia tebes tanba primeira-ves Japaun bele fo oportunidade atu nune’e Timor Oan sira mos bele ba servisu iha sira nia nasaun.

“Secretariu Estadu Sefope kona ba serimonia ida ne’e hau sente orgulho teb-bebes tamba primeira-vez estadu Timor-Leste no nasaun Japaun liu husi kompania Koci Agrifan halo akordu ida ba iha trabalhadores ne’ebé ba hala’o servisu iha Japaun durante tinan tolu (3) ne’ebé husi durasaun tinan tolu (3) ne’e depois halo avaliasaun se mak progresu husi trabalhador sira seluk servisu diak hatudu vontade diak sira extende to tinan (3) maibe hatudu komportamentu ne’ebe mak la diak otomatikamente tinan ida (1) sir abele hapara viza ne’ebe iha ne’eba,” dehan Secretariu Estadu SEFOPE Rogeiro Araujo Mendonça.

Nia hatutan, dadaun ne’e iha centru formasaun haat ne’ebé bele oferese ba traballador nain 14, no planu hela atu loke tan Centru formasaun ne’ebé adekuadu iha munisipiu sira iha area lian Inglés korea no lia Japaun.

“Ba oin se merkadu iha otomatikamente governu tenki hari centru formasaun hodi responde ba merkadu, maibe agora ita iha centru formasaun ha’at (2) ida mak centru formasaun kijabit rua (2) no madre sira nian iha bebonuk no iha suai ida, ne’e mak centru formasaun ha’at ne’ebe iha Timor-Leste oferese ba trabalhadores nain sanulu resin ha’at (4) ida mak retira tia sanulu resin tolu (3) ba faze primeiru ne’e nain hitu (7) depois tuir mai iha nain ne’en (6)

Ba oin 13 munisipiu ne’e sai bizit hotu ita prepara kondisaun ba oinsa loke centru formasaun ne’ebe mak diak lingua ingles lingua korea lingua japaun se iha centru formasaun ne’ebe mak presiza ita loke nafatin hudi,” hakotu nia.

Fatin hanesan reprezentante traballadora Ines Mendonça hatete, kontenti tebes ba politika Governu TL no Japaun hodi fo oportunidade bele ba servisu iha ne’ebá atu nune’e bele kontribui mos ba nasaun.

“Ines mendonsa martins sente kontenti tebes ho oportunidade ida ne’e maske prosesu ne’ebe mak naruk nafatin pasensia no esforsu an hodi bele hetan oportunidade ida ne’e no agradese ba governu jepaun o governu Timor-Leste ba oportunidade ida ne’e.

Trabalhador ne’e salienta hare ba dezenvolvimentu iha ita rain lao ladun diak tamba ne’e ho oportunidade ida ne’e iha futuru nia bele halo dezenvolvimentu iha rai doben timor-leste,” tenik Ines Mendonça.

Entretantu traballador nain 7 mak sei aranka uluk depois iha faze segundu nain 6 mak sei tuir.

No tuir informasaun SEFOPE sei hari’i tan centru formasaun ida iha area Tasi Tolu atu nune’e bele fo oportunidade ba Joven sira bele ba aprende.

Jornalista: Pascoal N. de Jesus & Agostinha da Conceição

Editor: Alexandre Salsinha