Dili-25/09/2023-Media Defisiensia,
Sekretariadu Estadu ba Igualidade (SEI) hamutuk ho Sekretariadu Estadu
Komunikasaun Sosial (SEKOMS) inklui JCMP no Ekipa Programa Nabilan realiza fromasaun
durante loron lima ba Jestor Radiu Komunidade sira iha Timor-Leste kona ba
Reportajen Sensivel ba Jéneru no inkluzaun.
Iha intervista ba jornalista sira Sekretaria Estadu ba
Igualidade (SEI) Elvina Sousa Carvalho hatete, formasaun ne’e atu hasa’e kapasidade
jornalista sira nia liliu radiu komunidade sira atu nune’e bele divulga
informasaun ne’ebé sensivel no kredivel relasiona ho asuntu Jéneru.
“ohin ne’e SEI hamutuk ho SEKOMS JCMP no Programa Nabilan
ami halo programa ida kona ba fromasaun ba jornalista sira liu-liu ba iha Rádiu
Komunidade sira para hasa’e sira nia sensibilidade ba iha kobertura no
divulgasaun informasaun halo notisia sira ne’ebé sensivel ba asuntu Jéneru,
notisia ka produtu jornalista nian ne’ebé mak hamutuk atu kontribui iha promosaun
lei sira ne’ebé relasiona ho Igualidade Jéneru nian,” Elvina Sousa Carvalho
dehan iha salaun Maria Gurete SEI Cai-coli.
Nia hatutan, papel Media nian importante tebes atu
divulga informasaun ne’ebé sensivel no kredivel ba iha asuntu Igualidade Jéneru
nian atu nune’e bele kontribui no muda públiku sira nia hanoin.
Fatin
hanesan Prezidente Konsellu de Imprensa Otelio Ote hatete, nia parte agradese
ba SEI tanba bele realiza Formasaun refere atu nune’e jornalista bele
sensibiliza informasaun ho kredivel ba públiku relasiona ho asuntu Igualidade
Jéneru.
Relasiona
ho eleisaun suku ne’ebé sei mai nia husu ba jornalista sira atu foti
informasaun mos kona ba Feto ne’ebé kandidata an ba iha Suku.
Entrretantu
formasaun ne’e hetan partisipasaun husi Jestor Radiu Komunidade sira ne’ebé
eziste iha TL, no formasaun ne’e SEI servisu hamutuk ho SEKOMS, JCMP no ekipa
Programa ba Nabilan.
Jornalista:
Alexandre Salsinha
Editor:
Alexandre Salsinha
0 Comments