ATLETA DEFISIENSIA TENIS MEZA SEI KOMPETE IHA NASAUN HANGZHOU CHINA

 

Presidente Federasaun Tenis Meza Defisiensia Timor-Leste (FTMD-TL) Monis Belo

Dili 23/09/2023-Media Defisiensia, Atleta nain lima husi Federasaun Tenis Meza Defisiensia Timor-Leste (FTMD-TL) halo hela preparasaun atu ba kompete iha Nasaun Hangzhou China fulan Outobrto tinan 2023.

Presidente Federasaun Tenis Meza Defisiensia Timor-Leste (FTMD-TL) Monis Belo  hatete, preparasaun refere servisu hamutuk  ho Ministeriu Desportu  hodi halo preparasaun durante fulan rua ba Atleta nain lima ne’ebé maka sei ba kompete.

 “Preparasaun refere husi federasaun jeral liu husi desportu nian servisu hamutuk ho Ministero Desportu ne’ebe fo espasu hodi halo preparasaun ba atleta sira. Preparasaun sira ne’e ami halo hahu iha fulan kotuk, no halo observasaun direta husi Diresaun Jerál Nasionál Desportu nian, preparasaun ida ne’e sei kompete iha fulan outobro iha eventu internasionál China” Dehan Presidente iha Hotel Villa Verde Sabado Semana Kotuk.

Presidente ne’e hatutan, garante nafatin estrutura nomos treinador sira hodi fo motivasaun sira ne’ebe maka liu iha tinan kotuk, hanesan esperansa ida ba ita atu kompete nafatin  iha eventu  asean paragems china  maske  treinu ho loron limitadu  fulan rua deit maibe  iha esperansa atu ba kompete nune’e  bele hetan medalia.

Atleta Federasaun Tenis Meza Defisiensia Timor-Leste, Domingos Talo Mau dos Santos

Iha fatin hanesan Atleta Federasaun Tenis Meza Defisiensia Timor-Leste, Domingos Talo Mau dos Santos hatete, senti orgullu tamba iha tan oportunidade hodi halo preparasaun ba kompete tan iha Nasaun China, nune’e esforsu ne’ebé iha laiha limitasaun atu halo preparasaun treinu antes ba kompete.

 “Ami preparasaun ne’e antes tama teste sempre halo tuir trienu ba Tenis de Meza ami halo iha Balide, durante ulan  rua (2),   semana tolu (3)  maka ami halo ona  preparasaun, senti katak  preparasaun ida ne’e ho tempu limitadu maibé ami nafatin esforsu no hakas an  atu bele treinu ho di’ak atu bele kompete iha Asean Gems Hangzhou China.” Dehan Atleta Domingos Talo Mau iha hotel Villa verde Caicoli Dili.

Atleta ne’e salienta, nafatin iha esperansa katak bele hodi kompete iha kompetisaun Tenis Meza iha Hangzhou China nune’e bele hamorin Nasaun Timor-Leste liuhusi talentu desportiva ema ho defisiensia nian.

 “Ami hanesan atleta Federasaun Tenis Meza ami iha esperansa bele senti katak ami bele lori medalia hodi kontribui ba ita nia Nasaun, Federasaun Tenis de meza la’os foin mak primeira vez ba kompete maibé  ori  ona medalia iha  tinan 2018, no oferese ona medalia  osan metan ida ba iha federasaun Tenis  Meza iha tinan 2022,  lori medalia lubuk ida iha kompetisaun  Solo Iha Cambodia oferese medalia osan metan rua. Susesu sira ne’e hatudu ona mak ami iha esperansa nafatin atu kompete” katak Atleta Domingos Talo Mau dos Santos.

Atleta ne’e  sujere ba  Governu prepara trening center ka teste prepara antes fulan neen, nune’e bele treinu ho di’ak tamba fulan rua de’it ladun maximu ba sira.

Entretantu Atletismu Tenis Meza hamutuk nain lima mak hanesan, mane tolu, no feto rua ho klasse ne’ebé la hanesan, maibé sira ne’ebé halo seleksaun iha ona esperiensia ba klasifikasaun iha kompetisaun eventu sira ne’ebe liu ona. Kompetisaun refere sei ba kompete iha fulan outobro tinan ida ne’e iha Nasaun Hangzhou China.

Jornalista: Eufrosina S. Brás ho Jeraldino P. Magno

Editor: Alexandre Salsinha