SECOMS SEI TAU PRIORIDADE BA RKDTL DURANTE MANDATU IHA IX GOVERNU

 
Foto: (Media Ofiser SECOMS)

Dili-02/08/2023-Media Defisiensia, Diretora Radio Komunidade Defisiensia Timor-Leste (RKDTL) hala’o enkontru ho Secretario Estado Comunicacão Social, Expedito Dias Ximenes iha Palacio do Governo hodi hato’o asuntu balun kona-ba  progresu no desafiu sira ne’ebé  husi Radiu enfrenta durante ne’e.

Diretora RKDTL Ermenciana Alves hatete, durante ne’e programa lubuk ida mak hala’o no informasaun barak mak públika ona, nune’e ko’alia mos kona ba problema ne’ebé durante ne’e sira hasoru hanesan intensivu ba kada staff voluntariu no area kobertura.

Diretora Radio Komunidade Defisiensia Timor-Leste (RKDTL) Ermenciana Alves 

“objetivu husi enkontru ida ne’e maka atu hato’o Radiu nia progressu no desafiu ne’ebé durante ne’e hasoru nune’e liga mos ba asuntu sira hanesan programa ne’ebé radiu ne’e hala’o ona liuliu vizita ema ho defisiensia sira iha Munisipiu, maibé area kobertura Radiu nia seidauk maximu atu ema hotu bele asesu informasaun sira kona-ba ema ho defisiensia nian”. Dehan Diretora iha Palacio do Governo.

Diretora Radiu ne’e hatutan, iha parte seluk husu mos ba SECOMS atu apoiu ami nia Intensivu no fasilita formasaun ba staff sira tanba maioria ema ho defisiensia ne’ebé servisu iha radiu refere hanesan voluntáriu nomos sei menus iha kapasidade no koñesimentu iha area jornalista nian. Tanba liu hosi formasaun sira bele aumenta sira nia koñesimentu atu bele jere radiu ne’e ho di’ak.

Hatan ba preokupasaun hirak ne’e Secretario Estado Comunicacão Social Expedito Dias Ximenes hatete, sei servisu hamutuk ho IX governo hodi tau atensaun ba Radiu Komunidade sira hotu liuliu ba Radio Komunidade Defisiensia atu nune’e sira bele hala’o servisu fó sai informasaun sira relaasiona ba ema ho defisiensia nian bele lao ho di’ak.

Secretario Estado Comunicacão Social (SECOMS) Expedito Dias Ximenes

“Iha VIII Governu Radiu Komunidade Defisiensia hetan apoiu, maibé  iha   defikuldade lubuk ida  nun’e iha fali nunu governo tenke fo atensaun ba sira,  programa  nunu governu  sei tau atensaun ba Radiu Komunidade sira hotu no husi parte  (SECOMS) sei tau prioridade ba iha Radio Komunidade Defisiensia husi pontus sira ne’ebé  Diretora Radiu hatete ona, ida ne’ebé importante liu maka oinsa halo area kobertura ne’e luan atu nune’e bele kobre informasaun ema ho defisiensia nia to’o Munisipiu sira.

No mos fasilita formasaun ba sira ida ne’e hatudu katak sira iha kapasidade ne’ebe maka luan no defisiensia iha kondisaun maibe sira iha kapasidade atu fo sai lian ba lian laek sira.

Singnifika katak iha governu organizasaun social sira ita hotu tau atensaun ho esforsu ne’ebe sira halo tanba ne’ebe tenke tau prioridade liuliu husi parte SECOMS nian programa SECOMS nian sei halo vizita ba iha Radiu komunidade sira hotu no vizita primeiru maka sei hala’o uluk bai ha Radiu Komunidade Defisiensia Timor-Leste. Nune’e bele hare sira nia progresu no difikuldade ne’ebe sira hsoru.

Sira iha programa ida ke kapas maka oinsa haklean ema ho defisiensia sira nia koñesimentu nomos defisiensia potensial fo sai defisiensia ne’ebe pontensia atu desenvolve,”. Dehan Secretario ba Jornalista sira iha Palacio do Governo.

Entretantu Radiu Komunidade Defisiensia Timor-Leste (RKDTL) ba oras ne’e nia area kobertura la to iha municipiu sira maibé kobre iha Dili Laran de’it.

Jornalista: Eufrosina S. Brás

Editor: Alexandre Salsinha