Dili-14/08/2023, Media Defisiensia-NORWEGIAN
EMBASSY JAKARTA fo apoiu ba Klibur Defisiensia Tilun Timor-Leste (KDT-TL) hodi
lansa treinamentu kona ba Violensia Bazeia ba Jéneru (VBJ) ba Ema ho
Defisiensia Tilun sira iha Organizasaun refere.
Tuir Diretor Assosiasaun Defisiensia
Timor-Leste (ADTL) Cesario da Silva hatete, objetivu husi lansamentu
treinamentu kona ba VBBJ ba ema ho defisiensia Tilun iha KDT-TL tanba hetan apoiu
husi NORWEGIAN EMBASSY JAKARTA nian iha timor leste hodi servisu hamutuk ho
KDT-TL hodi fó treinamentu ba maluk defisiensia Tilun sira hodi bele hatene
kona ba VBBJ liu husi lian jestual.
Diretor Assosiasaun Defisiensia Timor-Leste (ADTL) Cesario da Silva
“Lansamentu ba treinamentu konaba
Violensia Bazeia Ba Jeneru treinamentu ida ne’e ba KDT-TL hetan apoiu husi
Norwegian Embassy Jakarta nian iha Timor- Leste, hodi marka tan positivu ida ba
KDT-TL hodi halo koperasaun ho parseiru foun atu nune’e bele servisu hamutuk ho
KDT-TL hodi fo formasaun Violensia Bazeia Ba Jeneru ho informasaun seluk sira
mos dezenvolve modul foun ho Lian Jestual kona ba Violensia Bazeia Ba Jeneru”dehan
Diretor ADTL.
Diretur ne'e hatutan, nia parte fiar
KDT-TL mak sei sai fasilitador hodi fasilita fali maluk Defisiensia sira seluk
kona ba VBBJ, no nia husu maluk Defisiensia sira ne'ebé hetan oportunidade ba
formasaun ne'e tenke aproveita ho di'ak.
“Hau Esperansa katak KDT-TL sei sai
fasilitador hodi fasilita fali maluk defisiensia sira kona ba Violensia Bazeia
Ba Jeneru tanba ema ho defisiensia tilun barak mak hetan violensia bazeia ba
jeneru. Tanba ne’e nia husu ba maluk defisiente sira liuliu maluk defisiensia
sanulu resin rua ne’ebé mak sei tuir formasaun ida ne’e husu atu aproveita
didiak formasaun ne’e tanba hau espera ita boot sira mak sai formadór ba iha Violensia
Bazeia Ba Jeneru ne’e hodi tulu fali maluk defisiensia tilun sira iha KDT-TL no
maluk defisiensia sira seluk tanba KDT-TL ho nia modul rasik ba futuru bele sai
formador ba Violensia Bazeia Ba Jeneru,"hatutan nia.
Iha fatin hanesan Project Officer ba Programa
Sosiedade Sivil no Governasaun Olinda de Jesus esplika, apoiu ida ne’e ba
organizasaun KDT-TL tanba importante tebes hodi fasilita treinamentu ba maluk
defisiensia tilun sira kona ba VBBJ nune’e maluk defisiensia sira bele hatene
bainhira hasoru problema oinsa sira bele hatoo ba parte relevante sira hodi
hetan tulun.
Project Officer ba Programa Sosiedade Sivil no Governasaun Olinda de Jesus
“Apoiu ida ne’e importante tebes ba KDT-TL
liu husi formasaun ba maluk defisiensia tilun sira kona ba violensia bazeia ba
jeneru atu nune’e maluk defisiensia tilun sira bele hatene se mak halo
deskriminasaun ba sira no bainhira sira
hasoru violensia domestika sira bele iha brani aan liu husi formasaun ne’e sira
bele hatoo sira nia preokupasaun bazeia ba violensia nune’e mós sira bele hetan
informasaun klean kona ba violensia bazeia ba jeneru bainhira hetan problema
sira bele keixa ba iha parte relevante sira” katak Olinda.
Nia salienta, formasaun refere esperansa
boot ba sira nain sanulu resin rua ne’ebé sei tuir treinamentu kona ba
violensia bazeia ba jeneru hodi bele sai fali hanesan fasilitador ba iha maluk
defisiensia sira seluk liu liu maluk defisiensia sira ne’ebé sedauk hetan
oportunidade no liu husi formasaun ne’e hodi habelar tan KDT-TL nia vizaun no
misaun ba iha dezenvolvimentu nasaun Timor -Leste.
Fundus ne’ebé mak fo apoiu husi Norwegian
Embassy Jakarta ba KDT-TL hamutuk 4.500 hodi hala'o treinamentu ne'e durante
fulan rua, no iha progresu diak ba futuru sei aumenta tan orsamentu ba iha
treinamentu nian ba ema ho defisiensia tilun sira iha timor-leste no apoiu ida
ne’e ba organizasaun tolu mak hetan ona hanesan ADTL, AHDMTL, PRADET.
Iha fatin hanesan formandu Jacob Amelia da
Silva hateten, sente kontete bainhira hetan oportunidade hodi partisipa iha
treinamentu violensia bazeia ba jeneru durante fulan rua hodi aumenta sira nia
koñesimentu kona ba formasaun refere.
“Hau sente kontente tanba hau bele tuir
treinamentu kona ba violensia bazeia ba jeneru oinsa atu bele muda ami nia
abilidade baihira hasoru problema ruma, tanba ne’e hau nia esperansa ba futuru
liu husi treinamentu ida ne’e hau sei fahe fali ba hau nia kolega defisiensia
tilun sira ne’ebé mak sedauk hetan oportunidade ba treinamentu kona ba
violensia bazeia ba jeneru” Dehan Jacob
Jornalista: Geraldino Magno no Anselmo da
Costa Martins
Editor: Alexandre Salsinha
0 Comments