Manuel das Neves ho Defisiensia Matan
Dili-21/08/203-Media
Defisiensia, Manuel das Neves ho idade lima nulu resin neen (56) Husi
Munisipiu Dili postu Administrativu Dom Aleixo moris hanesan ema karpintaria
husi familia ho oan nain lima (5), hala’o moris husi karpintaria fo impaktu
Manuel sai defisiensia matan.
Haktuir
lala’ok moris husi Manuel das Neves sai karpintaria la senti fasil tanba husi
loron manas to’o kalan hamutuk de’it ho sasan kroat sira. Tanba moris lakoi
tanen liman no hakarak buka rasik hodi hatan ba nesesidade uma laran no
sustenta ba oan nia eskola,
Momentu
tinan hira liu ba Manuel das Neves hala’o servisu hanesan karpintaria uza
gurinda kua besi atu halo uma, husi momentu ne’eba la espera hodi sai manas ba
Manuel das Neves nian matan husi besi rahun no fo
impaktu ba nia matan sai defisiensia to’o ohin loron.
Wainhira hasoru difikuldade sira ne’e Manuel
halo kedas tratamentu iha hospital Lanut hodi halo operasaun maibe husi esforsu
sira la fo benefisiu ba Manuel nia matan to’o ohin loron nafatin sai
defisiensia matan.
Maske
to’o ohin loron Manuel hare de’it ho matan sorin maibe nia nafatin hala’o
servisu karpintaria tamba servisu ida ne’e mak durante fo moris ba nia ho
familia.
Maneul
ho idade ne’ebé avansadu no hetan moras refere durante tinan hira ona maibe seidauk trata dokumentu hodi hetan direitu ba subsidiu ema ho defisiensia nia
husi parte governu. Tanba durante ne’e
Manuel seidauk hatene oinsa atu halo tratamentu ba dokumentus sira.
Nune’e liu hosi media Defisiensia nia intervista Manuel
hakarak rekomenda ba parte tau matan ba asuntu ema ho defisiensia nune’e nia bele hetan mos direitu ba subsidiu
ema ho defisiensia nian iha tempu tuir mai.
Jornalista:
Ermenciana Alves & Sandra dos Santos Trindade
Editor:
Alexandre Salsinha
0 Comments