Dili-05/08/2023-Media
Defisiensia, Juventude ba Dezenvolvimentu Nasional (JDN) realiza
formasaun kona ba saude Reprodutiva Adolensente nian ba Ema ho Defisiensia sira
iha salaun Asosiasaun Defisiensia Timor-Leste (ADTL) sabadu semana ne’e.
Ba
Media rkdtl.tl Formadora Aliansa Fernandes hatete, objetivu husi formasaun ne’e
hodi bele fo edukasaun kona ba saude reprodutiva nian ba maluk Defisiensia sira
atu bele foti desizaun rasik ba sira nia an.
“Formasaun
ba ohin loron ida ne’e ho nia objetivu atu fo edukasaun ba kolega ho
Defisiensia sira kona ba saude Reprodutiva Adolensente nian hodi nune’e kolega
sira bele iha informasaun klaru no sira bele hatene saida mak saude reprodutiva
sexual no sira bele foti desizaun ba sira an rasik no mos sira bele foti
desizaun kona ba relasaun ne’ebé respeitu no mos relasaun ne’ebé la respeitu,
liu husi ne’e sira bele hatene kona ba halhalok hirak ne’e sira bele aplika ba
iha sira nia moris lorloron hodi nune’e nia efeitu ne’e bele fo pozetivu ba
sira.
Kona
ba saude reprodutiva nian sira bele hatene katak wainhira ita nudar joven ida
ne’ebé mak wainhira ita isin rua sedu efeitu saida mak ita sei hasoru entaun
husi ida ne’e mak sira sei hatene katak ida ne’ebé mak hau halo nia impaktu
negativu mai hau ne’e mak bo’ot los,” Dehan Formadora Aliansa Fernandes.
Nia
hatutan, atividade ne’e hetan apoiu husi parte balun no serbisu hamutuk ho
Organizasaun sira hodi buka informasaun kona ba Defisiensia sira atu bele partisipa
iha formsaun refere.
“formasaun
ne’e ami hetan suporta mos husi parte balun ne’ebé mak suporta ami hodi hala’o
ami nia atividade ida ne’e kona ba saude reprodutiva adolesente nian, entaun
ami nia ekipa mak hanoin katak ida ne’e importansia laos deit ba ema la ho
Defisiensia maibé importante mos ba Ema ho Defisiensia sira ne’e mak ami halo
atividade ida ne’e, ami hetan suporta husi Organizasaun hanesan ADTL AHISAUN
AHDMTL ami bele kolabora hamutuk buka informasaun no mos bele hatene kolega
Defisiensia sira ne’ebé mak hakrak atu mai,” hakotu nia.
Fatin
hanesan reprezentante partisipante Noe Bertai de Araujo, sente formasaun refere
importante tebes atu hodi bele kapasita joven sira bele hatene kona ba saude
reprodutivu Adolesente nian.
“Formasaun
ba ohin loron nian ne’e hau senti di’ak tebes tanba nia ko’alia liu kona ba ita
nia hahalok ne’ebé di’ak no la di’ak, oinsa mak bele kapasita joven sira atu bele
hatene klean liu kona ba saude reprodutiva adolesente nian nos mos kona ba hahalok
di’ak no at atu nune’e bele aplika iha moris lorloron,” tenik nia.
Enkuantu
formasaun ne’e hetan partisipasaun husi maluk Defisiensia sira ne’ebé husi
Organizasaun sira hanesan AHDMTL, AHISAUN, inklui estudante balu husi UNTL, no
formasaun refere hala’o ba loron tolu, realiza iha loron sabadu.
Jornalista:
Eufrosina S. Brás
Editor:
Alexandre Salsinha
0 Comments