Diretur Programa CNR Angelito Castres
Dili-07/08/2023-Media Defisiensia, Centru
Nasional de Reabilitasaun (CNR) hala’o enkontru dahuluk ho Grupu Voluntariu
ne’ebé mak estabelese husi Joven no Komunidade inklui Defisiensia rasik hodi
tun ba baze atu bele rekolla dadus EhD nian.
Tuir Diretur Programa CNR Angelito Castres hatete,
objetivu CNR nian atu habelar informasaun ba iha komunidade no atu bele
dezamina servisu CNR nian kona ba prostasaun no atendimentu ba EhD.
“CNR ho nia objetivu ida oinsa atu habelar informasaun
komunidade sira hotu no mos ba ema ho Defisiensia liga mos ba ami nia parseriu
sira ho nia objetivu katak oinsa habelar informsaun ba liu-liu atu dezamina
servisu CNR ne’ebé liga ba prostasaun no atendimentu ba EhD liu husi ami nia
atendimentu Fizioterapia, okupasional terapia, terapia ko’alia no mos fo apoiu
ekipamentus mobilidade hanesan ai-tonka ekipamentus ortoprotezia no mos apoiu
kadeira roda,”dehan Diretur Programa CNR Angelito Castres.
Diretur ne’e hatutan, politika hari grupu voluntariu ho
objetivu atu hetan formsaun espesifiku kona ba Reabilitasaun no mos refere EhD
sira ne’ebé hetan ba CNR.
“ami muda fali politika ida katak bainhira halo
sensibilzasaun presiza mos forma gupu voluntariu sira liga ba asuntu EhD atu
nune’e sira iha ekipa no mos bele hetan formasaun espesifiku liga ba
reabiltasaun ninian, no mos oinsa atu sira bele refere ema ho defisiensia sira
mai iha CNR ba mos iha parseriu sira ne’ebé liga ba hanesan Defisiensia matan,
Tilun ida ne’e mak importante tebes kuandu bainhira ita forma grupu Voluntariu
iha komunidade,”hatutan Diretur ne’e.
Nia salienta tan, ba oras ne’e CNR estabele ona grupu
voluntariu sira postu rua iha Munisipiu Dili. Liu husi hari grupu ne’e bele
fasilita di’ak liu tan CNR nia servisu liu-liu liga ba oinsa atu refere no mos
oinsa atu bele halo akompañamentu ka Follow-up ba Defisiensia sira.
“Politika ida ne’e iha postu rua, ami hahú husi Munisipiu
Dili ne’e rasik ida ne’e mak ba futuru sei kontinua nafatin ho politika ida
ne’e atu nune’e bele fasilita di’ak liu tan CNR nia servisu liu-liu liga ba
oinsa atu refera no mos oinsa atu bele halo akompañamentu ka Follow-up ba ita
nia maluk Defisiensia sira ou kliente sira ne’ebe hetan atendiemtu iha CNR atu
fila fali mai kuandu hanesan sira nia ekipamentus at, no ba sira ne’ebé hetan
ona edukasaun terapia husi tekniku sira maibé tanba ho kesibukan sira nian
entaun sira la dun kontrola nafatin oinsa atu fo terapia baziku ba sira nia oan
iha sira nia hela fatin, entaun ida ne’e ho grupu voluntariu sira ne’ebé forma
husi departamentu CBR mak bele kordena malu bele fo informsaun mai iha tekniku
CBR atu bele fasilita referal no mos akompañamentu ba ita nia maluk Defisiensia
sira iha komunidade nia let,”Hakotu nia.
Entrtantu
grupu voluntariu ne’e ho naran Halibur Ema ho Defisiensia iha Timor-Leste ka
(HED-TL), no tuir planu sira sei hala’o
atividade hahú uluk husi Munisipiu Dili.
Jornalista
: Alexandre Salsinha
Editor : Alexandre Salsinha
0 Comments