Eskitór Luis Cardoso
Dili-19/08/2023-Media
Defisiensia, Luis Cardoso hanesan eskitór timor oan ida ne’ebe durante ne’e
hela iha portugal no hetan karta konvite husi presidente republika Jose Ramos
Horta hodi mai fahe nia matenek ba joven no estudante sira hotu durante nia sei
iha timor.
Iha
intervista ba jornalista sira eskritór Luis Cardoso hatete durante mai timor
hanesan ema ki’ik no ohin mai timor halo nia hakfodak tebes no agradese ba PR
nia konvite hodi mai timor hanesan mos ema importante.
“Ita
boot sira mai hasoru ha’u iha ne’e ha’u hanesan ema kiik ida ho ita boot sira
nia prezensa halo ha’u boot tebes-tebes ne’ebe halo ha’u hakfodak tanba ha’u
bei-beik mai iha ita nia rai hanesan bai-bain, ha’u agradese ba Presidente da
Republica nia konvite halo ha’u mai iha timor, ne’e duni ha’u hakarak hatete ba
aman inan alin maun sira iha timor ha’u nia haksolok boot, no hau agradese
tebes, ha’u uluk iha Portugal hanesan tempu okupasaun nian reprezentante CNR
iha Portugal, konsellu Nasional de resistensia Maubere tur no servisu hamutuk
ho Presidente da Republica uluk nian reprezentante espesial CNR.” Dehan eskritór
Luis Cardoso iha Aeroporto Internasional Nicolao Lobato Comoro.
Eskritor
ne’e salineta liu tan livru sira ne’ebe nia hakerek durante ne’e konta liu ba
istoria timor nian no livru sira sei rai hela hanesan memoria nasaun nian.
“Livru
ne’e kona ba ita nia istoria timor nian ita sai hanesan eskritor koalia kona ba
historia tuir ha’u nia hanoin istoria rai timor ha’u hakerek iha livru kona ba
ita nia rai istoria barak, atu nune’e timor oan hotu-hotu bele hakerek buat
ne’ebe testamuña, ne’e hanesan ita halo istoria timor nian buat ne’e ita nia
hun no ita nia luta, buat sira ne’e mak ita tau iha livru sira, mesmu poezia maibe sai hanesan istoria para aban
bain rua hela ba memoria nasaun nian, tanba ha’u hanesan timor-oan ha’u hakerek
tuir istoria rai timor nian.” Tenik nia
Nia
mos husu ba joven timor sira ne’ebe hakarak sai eskitor bele aprende ho nia no
husu ba joven sira tenke lee barak atu nune’e bele hakerek istoria ne’ebe diak liu
tan iha futuru
Dalan
ida ha’u halo ne’e ha’u nian maibe timor oan sira hakarak tuir bele tuir, se
hakarak ida-idak buka nia dalan para hakerek diak liu tan ne’e furak liu tanba
ne’e hanesan ezemplu ida para timor oan barak kaer no lee hanesan foin dau-daun
ha’u hare timor oan barak halo sira nia Koms iha Fundasaun Oriente sira manda
ha’u hare furak tebe-tebes, ha’u nia esperansa boot iha tempu tuir mai
timor-oan barak bele sai eskritor, atu sai eskritor tenki lee livru barak oinsa
ita bele sai eskritor ne’ebe di’ak iha imi nia futuru.
Enkuantu
livru ne’ebe Luis Cardoso hakerek hamutuk hitu (7) ho nia titulu la hanesan no
hakerek ho lian portugues.
Jornalista:
Pascoal N. de Jesus
Editor:
Alexandre Salsinha
0 Comments