CNR REALIZA PRES-KONFERENSIA RELASIONA HO EZONERASAUN NE'EBÉ LA TUIR LEI FUNSAUN PÚBLIKU

 

Portavoz José da Costa Pinto

Dili-20/08/2023, Media Defisiensia - Centru Nasionál de Reabilitsaun (CNR) lamenta tebes ho ezonerasaun husi S.E Ministra MSSI Veronica das Dores ba Directorno Subdirectores nain rua la tuir lei komisaun funsaun públiku.

Tuir Portavoz José da Costa Pinto ba Jornalista sira katak, Ezonerasaun ne'e la tuir lei Comisaun Funsaun Públiku nian.

"Sua exelensia MSSI aktual ne'ebé mak hatun dispaisu ezonerasaun ba ami nain 3 Diretur Jerál hanesan Diretur exekutivu ho subdiretur administrasaun finansas lojistik aprovijionamentu no subdiretur programa la iha fundamentasaun ba lei Comisaun Funsaun Públiku, "dehan portavoz ne'e iha Aldeia Because kraik Suco Becora Posto Administrativu Cristo Rei Munisípiu Dili sabadu 19/08.

Portavoz ne'e informa tan katak, Ministra la kumpri lei administrasaun Funsaun Públiku tanba hola desizaun mesak la konsidera Administrasaun lei Funsaun Públiku nian.

"Prosedura administrasaun lei Funsaun Públikas sua exelensia Ministra rasik la kumpri, se hakarak halo emediata tenke pedidu ba iha Comisaun Funsaun Públika aneksu ho relatoriu auditorial rejultadu i depois mak Comisaun Funsaun Públika hatun dispaisu ba iha Ministra atu nune'e Ministra haruka DJ halo fali karta akompañamentu dispaisu ba iha ne'ebá hodi hein dispaisu husi Comisaun Funsaun Públiku diskusaun ba ezonerasaun,pelumenus kontratu sua exelensia foti desizaun halo rasik dispaisu ida konsidera ida ne'e hanesan desizaun i karta enkaminamentu husi kedas Ministeriu entaun Comisaun Funsaun Públiku hanesan instituisaun ida ne'ebé independente ne'ebé mak regula lei administrasaun Públika ba instituisaun hotu-hotu liuliu iha administrasaun tun mai kraik ne'e ita tenke kumpri, "hatutan portavoz ne'e.

nune'e mós nia husu ba parte revante sira atu parte PM, VPM ne’ebé MSSI tutela ba CFP, PN, CAC atu bele hare ba kazu refere tuir lei ne’ebé vigor.

"ami nia rekomendasaun ba governu ida ne'e ami husu ba primeiru Ministru RDTL sua exelensia Kay Rala Xanana Gusmão hare hodi halo rezolusaun, hodi hamosu desizaun ba ami nia kazu ida ne'e ami rasik konsidera ida ne'e hanesan abuzu de poder.

Ami husu mos ba sua exelensia vice primeiru ministru konrdenasaun ba asuntu sosial ne’ebé mak MSSI tutela direita atu halo kontrolu no avalia ministra MSSI tuir kompetensia ne’ebé prevista iha alina A no C numeru 2 artigu 14 husi dekretu lei numeru 46/ 2023, 27 de jullu, iha ne’ebá mensiona katak vice primeiru ministru asuntu sosial kordena hodi polítika ne’ebé mak define iha ministru ne’ebé mak MSSI saude edukasaun iha asuntu sosial nian no halo akompañamentu no avalia ba servisu sira ne’ebé mak presta husi membru do governu ba komunidade sira,

ami husu solusaun juridikamente la'ós atu ezizi par ba tur fali iha ne'ebá lae, maibé tanba ami hare ho dalan korta de'it entaun ami husu solusaun juridiku.

Husu mos ba Comisaun Funsaun Públika atu bele hare fila fali ami nia karta reklamasaun ne’ebé submetidu iha dia 11 de agustu 2023, hasoru dispaisu ezonerasaun sua exelensia Ministra MSSI atual nian ne’ebé ma kami konsidera la iha fundamentasaun,

Husu mos ba membru PN ne’ebé nudar legislador atu bele hare didiak hodi hamosu plenaria atu nune’e hadia buat sira ne’e hotu tuir lei ne’ebé mak iha.

Ami husu mos ba CAC atu bele investiga lalais ba kazu ne’ebé mak iha, tanba ne’e ami husu para bele hadia tuir lei numeru 7/2020 iha 26 de Agosto kona ba lei korupsaun ninian medida sira ne’ebé prevene no kombate korupsaun atu nune’e ita bele hametin fila fali justisa iha area hotu-hotu hodi haburas fali boa governasaun,” hakotu nia.

Jornalista : Alexandre Salsinha

Editor : Alexandre Salsinha