Dili-28/08/2023, Media
Defisiensia - Autoridade Protesaun Civil Nasional kontinua atualiza
informasau hodi Reszistu tan Munisípiu 7 mak hetan dezastre naturais iha semana
ne'e nia laran, akontesimentu dezastre naturais ne'e iha tipu oin 3 anin bot
rai halai no ahi han komunidade nia uma.
Tuir Diretur Gabineti Externa no Komunikasaun Anacleto
Caetano informa ba Jornalista sira katak, durante semana ne'e Reszistu
Munisípiu 7 mak hetan dezastre naturais.
"ohin 28 de agusto 2023 APC kontinua atualiza
informasau sira ne'ebé mak liga ba iha akontesimentu dezastre iha territóriu
laran tomak, durante semana ida hahú husi 22 de agusto too ohin loron 28, hare
husi akontesimentu ne'ebé akontese iha territóriu laran ne'e akontese dezastre
iha tipu oin 3 tipu anin bot, rai halai,
no ahi han uma no sasán akontese iha Munisípiu 7 mak hanesan Munisípiu Aileu,
Ainaru, Baucau, Bobonaru, Ermera, Manatutu no Raeoa," informa Diretur GEC
Anacleto Caetano iha sala konferensia APC Caicoli.
Nia hatutan, dezastre ne’ebé afeta ba komunidade nia
uma ne’e barak liu husi anin boot total 21 no rai halai 19, ahi han uma 5.
"hare husi durante tipu akontesimentu dezastre
oi-oin ne’ebé mak afeita ba komunidade sira iha tipu dezastre oin 3 hanesan
ohin ha’u dehan ne’e maibé barak liu ne’e iha anin boot, ne’e iha total dadus
iha 21 rai halai ne’e iha 19 xefe da familia ne’ebé afetada no ikus liu ahi han
komunidade nia uma ne’e hamutuk 5,” hatutan diretur ne’e,” hakotu nia.
Enkuantu tuir informasaun katak total dadus dezastre
naturais iha semana ne’e nia laran hamutuk 45 xefe da familia mak hetan
afetadu, no hahú husi Janeiru mai to’o Agosto total dadus hamutuk 2.177 no
vitima sira ne’e balun hetan oha ajuda ona no balun seidauk.
Jornallista
: Alexandre Salsinha
Editor
: Alexandre Salsinha
0 Comments