Diretur Diresaun Nasional Promosaun Direitu ba Ema ho Defisiensia Mateus da Silva
Dili-24/07/2023,
Media Defisiensia, subsidiu ba maluk Defisiensia no ferik katuas sira seidauk
bele halo pagamentu tanba sei iha hela prosesu nia laran.
Tuir
Diretur Diresaun Nasional Promosaun Direitu ba Ema ho Defisiensia Mateus da
Silva hatete, pagamentu subsidiu ba idozu no EhD nian sei hein orsamnetu
ratifikativu nunu Governu nian.
“Subsidiu
ba ferik katuas no ema Defisiensia sira lolos ne’e ita halo pagamentu iha fulan
ne’e maibé tanba transisaun governu entaun hare ba orsamentu ne’ebé mak presiza
atu aumenta ho ida ne’e ita hein orsamentu ratifikativu nunu governu, no pedidu
ne’e mos sei hato’o ba exelensia Prezidenti da Repúblika bainhira promulga hafoin
bele halo pagamentu.
Hau
hanoin husi dekretu lei numeru 19/ 2008 aprova ona subsidiu kona ba invalides
no ferik katuas sira liu husi alterasaun primeiru iha lei numeru 30/2021
primeiru alterasaun ba dekretu lei numeru 19/2008 no mos ho diploma ministerial
entre MSSI ho Ministeriu Finansas kona ba subidiu, tanba ita hotu akompaña
subsidiu ne’e uluk 30 dolar liu husi dekretu lei numeru 30/2021 aumenta tan dolar
20 ba dolar 50, no mos liu fali husi diploma Ministerial ida ne’ebé mak kria
hamutuk ho MSSI no Ministeriu Finanasas hodi aumenta tan dolar 7 hamutuk dolar
57,” tenik diretur ne’e.
Nia
informa tan, pagamentu sei iha prosesu nia laran tan ne’e husu Benefisiarius
sira pasensia hodi hein.
“Agora
seidauk halo pagamentu tanba sei iha hela prosesu nia laran, no husu ba maluk
Defisiensia sira depois mos ho ferik, katuas idozu sira avo sira pasensia hein
lai uituan wainhira nia prosesu ne’e hetan ona legalidade no autorizasaun husi
exelensia sira prontu ita halo pagamentu hanesan babain, katak sira nia osan
sei la lakon,” hakotu nia iha kna’ar fatin MSSI Caicoli Dili.
Jornalista:
Alexandre Salsinha & Geraldino P. Magno
Editor:
Alexandre Salsinha
0 Comments