Diretor Gabinete Relasaun Externa No Komunikasaun Ancleto Caetano
Dili-24/07/2023, Media Defisiensia-Autoridade Protesaun Sivil kontinua atualiza informasaun kona ba dezastre naturais ne’ebé akontese iha semana ne’e no tipu dezastre hanesan rai halai, anin bo’ot no ahi han uma hamutuk 6.
Tuir Diretor Gabinete Relasaun Externa No Komunikasaun
Ancleto Caetano hatete, durante semana ida ne’e APC registu familia uma kain 49
mk hetan estragus no familia afetada sira iha semana kotuk APC ho parseiro sira
fo apoiu no halo ona rekuperasaun ba vitima sira.
“ohin loron 24 jullu 2023 autoridade protesaun sivil liu
husi Gabinete Relasaun Externa No Komunikasaun kontinua update informasaun
ne’ebé mak liga ba iha akontesimentu dezastre iha teritoriu laran tomak durante
semana ida husi loron 17 to’o loron 24 ohin loron, durante semana ida ne’e
akontese dezastre iha tipu 3 anin bot rai halai, ahi han uma. Total dadus husi
semana ida ne’e hamutuk 49 ba familia ne’ebé afetada no la iha ema lakon vida,”dehan
Diretor Gabinete Relasaun Externa No
Komunikasaun sala konferensia APC Caicoli.
Diretor ne’e hatutan, komunidade sira ne’ebé afetada ba
dezastre iha semana ne’e husi Munisipiu 6 hanesan Baucau, Bobonaro, Manatutu,
Manufahi,Viqueque inklui Raeoa Oecuse.
“dezastre sira ne’ebé akontese ba uma sira ne’e husi
munisipiu Baucau, Bobonaro, Manatutu, Manufahi,Viqueque inklui Raeoa Oecuse iha
munisipiu 6 mak afetadu ne’e,” tenik nia.
Entertantu APC registu familia afetada ba dezastre
naturais hahu husi fulan janeiro to‘o mai
ohin loron hamutuk familia rihun rua sanulu resin sia (2019) mak hetan
afetada ba dezastre naturais no familia balun hetan ona apoiu no rekupera ona
no balun seidauk, sasan ne’ebe fo apoiu ba vitima sira mak hanesan material
konstrusaun no osan ba kada familia ida.
Jornalista
: Alexandre Salsinha
Editor
: Alexandre Salsinha
0 Comments