PERFIL ORGANIZASAUN KLIBUR DEFISIENSIA TILUN TIMOR-LESTE ( KDT-TL)

Diretora KDT - TL Crecencia Madeira de Deus

Dili-31/07/2023, Media Defisiensia - Perfil Organizasaun Klibur Defisiensia Tilun Timor-Leste ( KDT-TL) Hari’i iha tinan 2017 iha inisiativa husi ema defisiensia tilun rasik mak hari’i objetivu husi hari’i organizasaun ida ne’e maka atu halibur ema defisiensia tilun sira, atu asesu ba informasaun liuliu fo formasaun lian jestual ba ema defisiensia tilun.

Vizaun no Misaun husi KDT-TL maka atu promove ema defisiensia Tilun iha Timor-Leste no halo advokasia ba governu no sosiedade sira hotu  liuliu ba familia sira  atu nune’e tau konsidera ba ema ho defisiensia tilun

Nomos halo advokasia ba ministeriu sira hotu hanesan edukasaun, saude, atu nune’e ema defisiensia tilun sira bele asesu ba informasaun

KDT - TL foka liu ba ema defisiensia tilun sira ba informasaun, hanorin lian jestual ba ema defisiensia tilun sira, tanba liu hosi aprende lian jestual sira bele asesu ona ba ensinu rekorente nomos Universidade.

Ami aprende lian jestual husi AGAPE husi ema estrangeiru ida hanorin mai ami iha tinan 2004   maka lori lian jestual ne’e hanorin ami liu hosi  Filipina liu hosi ami nia aprende ida ne’e ami mos iha ona inisiativa hodi hari’I rasik ami nia organizasaun ida atu fasilita fali formasaun ba ema defisiensia tilun sira iha Timor-Leste.

Iha tinan 2004 ema estageiru husi Filipina mai fasilita formasaun kona-ba lian jestual ba ema defisiensia sira ne’ebe menus tebes iha lian jestual nian,

Formasaun ne’ebe ami fasilita ba ema defisiensia tilun sira kona-ba jestual nian dalaruma defisil tebes ba sira atu komprende maibe ami iha maneira balun hanesan prepara modul, imagem nomos liafuan atu nune’e bele hafasil sira atu aprende no komprende ho lalais.

Organizasaun KDT-TL fasilita formasaun lian jestual kobre de’it ema ho defisiensia sira iha kapital Dili , no organizasaun refere hetan apoiu husi Sosiedade sivil hodi hari’i ona fatin ka sentru KDT-TL nia sanak iha Munisipio Ermera atu nune’e aban bainrua  iha futuru sei loke formasaun mos iha Municipio refere.

Jornalista : Efifania dos Santos

Editor : Alexandre Salsinha