Ermera;
25/07/2023, Media Defisiensia-Joana Babo ho
idade 61, ho kondisaun Defisiensia Fiziku, moris iha loron 12 fulan Julho tinan
1962, husi Municipio Ermera, Posto Administrativo Railaco, Suco Railaco, Aldeia
Railaco kraik, iha oan na’in 8 nain 1 ho kondisaun defisiensia fiziku, no na’in
2 moris kaduak fila hikas ona ba aman Maromak nia kadunan santo.
Joana
Babo haktuir nia historia moris, nia hatete wainhira moris mai la ho kondisaun
defisiensia. Iha tinan 2005 bainhira nia ho idade 43, iha akontesimentu husi animal
bibi ne’ebé tuku ho dikur ba Joana nia ain hodi hetan moras durante fulan 6 nia
laran. Husi moras ne’ebé nia hetan hodi fo mos impaktu ba nia moras kotuk tamba
durante moras toba de’it iha fatin no labele hader ka halo atividade ruma.
Idade
ne’ebé avansa iha momentu hetan moras refere halo Joana tauk hodi la halo
tratamentu iha hospital, maibé halo de’it tratamentu ho aimoruk tradisional iha
uma durante hetan moras too ohin loron. Husi moras ne’ebé Joana hasoru halo
esperansa moris sai triste no hafalun matawen, ho kondisaun ne’ebé la fo espasu
ba nia iha atividade hotu hodi fo mos tristeza ba oan na’in 5 hapara sira nia
estudu, na’in ida de’it mak sei kontinua hela nia estudu.
Durante
ho kondisaun ne’ebé Joana hasoru too ohin loron seidauk hetan apoiu ka tulun
husi parte ruma, e seidauk hetan mós apoiu subsidiu ba ema ho defisiensia nian.
Tanba ne’e husi nia parte hakarak husu ba parte governu ka parte ne’ebé hare
kona-ba ema ho defisiensia nian, atu bele tau matan netik ba nia hodi hakman nia
moris iha kondisaun ida ne’e.
Jornalista:
Ermenciana Alves & Sandra dos Santos Trindade
Editor:
Alexandre Salsina
0 Comments