Armando Sarmento moris ho kondisaun Defisiensia Tilun no Defisiensia Matan
Manatuto; 25/07/2023, Media Defisiensia-Armando Sarmento ho idade 62 moris iha loron 07 fulan Juñu Tinan 1962 husi Municipio Manatutu, Posto Administrativo Soibada Suku Samoro Aldeia Uma-Kerek Leten, Bairo Bubur-Fahi. Armando Sarmento moris ho kondisaun Defisiensia Tilun no Defisiensia Matan.
Hatuir historia moris Tiu Armando nian husi nia Subrino Martinho Alves katak, Tiu Armando moris mai laho Kondisaun Defisiensia no moris Tiu Armando nian maka hakarak moris mesak no lakoi tane liman ba ema seluk, ho hanoin sira ne’e hotu halo tiu Armando esforsu mesak ba nia aan rasik, nia laiha famillia ida atu ajuda nia, iha tempu uluk nia iha bin nain 2 maibe wainhira iha funu bin nain 2 lakon vida iha tempu neba.
Tiu Armando nia viajen moris no idade moris aumenta ba bebeik Tiu Armando nia moris sofre moras oioin hanesan Defisiensia tilun ikus mai afeta mos ba nia matan sai tan Defisiensia.
Nia hetan defisiensia matan wainhira nia esforsu buka moris ba nia an liu hosi esforsu ida hanesan ema agrikultor halo toos iha momentu ne’eba nia hetan dezastre husi ai iha toos mak sona too moras no kanek ikus laiha dalan seluk hodi nune’e dalan ne’ebe nia iha mak hafalun ho nakukun no triste ho kondisaun Defisiensia matan too ohin loron.
Ho kondisaun ne’ebe tiu Armando hasoru durante tinan barak la fo espasu ba nia hodi labele hili dalan atu forma familia nunee moris mesak to’o ohin loron no durante ne’e Tiu Armando seidauk hetan tulun husi parte relevante sira.
Husi nia parte Martinho Alves sujere ba governo ka parte Defisiensia sira atu tau matan ka prioridade ba Ema ho Defisiensia nia kondisaun atu nunee sira mos sente hodi ezerse sira nia direitu nebe hanesan no fo netik buat balun hodi tulun sira nia moris hodi hakman sira nia aan maske la boot liu tuir saida mak ita hanoin maibe bele hakman netik sira nia kondisaun iha moris nian.
Jornalista: Ermenciana Alves
Editor: Alexandre Salsinha
0 Comments