FUNDASAUN AHISAUN HETAN APOIU MATERIAL HUSI TELCOMCEL

Dili-21/07/2023, Media Defisiensia-Fundasaun Ahisaun hetan apoiu material husi Telcomcel hodi fasilita maluk Defisiensia sira atu nafatin aprende hodi kompete iha vaga Telecomcel nian tanba Temkomcel asina ona memoradu ho Fudasaun Ahisaun

Iha intervista ba Jornalista RKDTL Sekretaria Telecomcel Joana Miranda hatete Objektivu husi aktividade Telkomcel atu apoiu material ba Fundasaun Ahisaun maka hanesan komputador no ruter, hodi tulun maluk sira iha Fundasaun Ahisaun

“Objekytivu husi aktividade ohin loron nian mak kontinuasaun Telcomcel hamutuk ho Fundasaun Ahisaun halo ona aktividade semana ida liu ba, atu dehan deit katak iha era globalizasaun modernu ohin loron lao avansadu teb-tebes ita mos hatene katak Fundasaun Ahisaun mos presiza prepara nia ema sira hodi tama mos ba kompetisaun iha setor privadu sira, tamba ne’e mak Telcomcel nia prezensa iha ne’e, Telcomcel apoiu hanesan komputador, ruter hodi asesu ba internet, no pakote internet hodi tulun maluk sira ne’ebe hamahan an iha Fundasaun Ahisaun.

Joana Hatutan Telcomcel asina hamutuk ona ho Fundasaun Ahisaun hodi fo biban ba Telcomcel bele fahe sira nia matenek no siensia ne’ebe sira iha hodi kapasita maluk sira ho Defisiensia atu kompete iha vaga telcomcel nian

“Nota atendimentu ne’ebe mak ita asina hamutuk ida ne’e mos sei fo biban ba Telekomcel atu fahe sira nia matenek no siensia ne’ebe mak iha hodi nune’e bele kapasita sira nia matenek iha rekursus humanu no rekursus humanu ne’e importante tebes, tamba ohin loron fo mos oportunidade ba Ema ho Defisiensia iha Fundasaun Ahisaun tenki aproveita ho diak, tamba futuru Nasaun nian iha ita hotu nia liman.

Iha fatin hanesan Diretor Fundasaun Ahisaun Domingos Talo-Mau dos Santos hatete   apresia no agradese ba Telcomcel tanba bele fó oportunidade di’ak ba Ema ho Defisiensia atu bele asesu ba servisu Telcomcel nian.

“Ne’e hanesan oportunidade diak ida primeira vez Telekomunikasaun Telcomcel bele fo oportunidade ba Ema ho Defisiensia atu asesu ba servisu Telcomcel nian ne’ebe Fundasaun Ahisaun fo Agredese ba Telcomcel ne’ebe iha komitmentu boot tebes atu halo rekrutamentu ba Ema ho Defisiensia bele asesu ba kampu de traballu Telecomcel nian.

Diretór mós fó rekomenda ba maluk Defisiensia sira atu nafatin iha vontade aprende tanba husi Telcomcel nia apoiu ida ne’e atu tulun maluk sira hodi aprende nune’e bele kompete iha vaga refere.

“ha’u nia rekomendasaun ba maluk Defisiensia sira sebele buka oportunidade atu aprende, liga liu ba formasaun sira hanesan administrasaun finansas se ita boot sira la aprende mak hanesan agora dadaun ema fo oportunidade mai ita, ita hakfodak  ita buka ema mos araska ida ne’e mak sai hanesan motivasaun ida mai ita oinsa atu bele prepara an  antes wainhora ema fo servisu.

Enkuantu Material sira ne’e hetan apoiu direita husi komisarius Telcomcel Indonesia ho ekipa telecomcel nian hanesan komputador, laptop, projector no warlles wifi, ba Fundasaun Ahisaun.

Jornalista: Geraldino P. Magno & Josefa de J. do Rego

Editor: Alexandre Salsinha