Dili-13/07/2023 Media-Defisiénsia-Telcomcel realiza formasaun ho parseiru fundasaun Ahisaun hodi fahe esperiensia ba ema ho defisiensia sira atu nune’e hodi bele kompete iha area servisu nian.
Sekretaria
Telcomcel Joana Miranda hateten objetivu husi formasaun fahe esperiensia
ida ne’e atu bele prepara maluk defisiensia sira hodi bele hetan tratamentu
igual iha fatin servisu tanba telcomcel
sei fó oportunidade ba ema ho defisiensia hodi kompete iha vaga telcomcel nian.
“Atividade ka programa formasaun refere
telcomcel foin hala’o ba dala uluk tanba ne’e sei loke oportunidade ba publiku
atu bele kompete inklui mos ema ho defisiensia.” Dehan sekretaria telcomcel
joana Miranda.
Iha
fatin hanesan programa Maneger Fundasaun Ahisaun Agustinho do Rego hateten
antes ne’e telcomcel halo ona koperasaun ho Fundasaun Ahisaun hodi haree asuntu
inkluzaun social ba ema ho defisiensia ne’ebé iha vontade atu servisu iha area
telcomcel nian.
Tanba
ne’e programa formasaun ida ne’e atu motiva ema ho defisiensia hodi hetan
oportunidade servisu ne’ebe hanesan.
Entretanto
iha formasaun refere parseriu telcomcel husu ba maluk defisiente sira atu
nafatin aprende hodi prepara aan ba kompete iha kampu traballu nune’e ema ho
defisiensia sira mos bele hetan oportunidade iha area servisu no Formasaun
refere hala’o iha salaun Fundasaun Ahisaun.
Jornalista:
Pascoal N. de Jesus
0 Comments