Dili-17/07/2023-Media Defisiensia, Segunda
feira semana ne’e Autoridade Protesaun Sivil (APC) realiza pres-konferensia
hodi fo sai informasaun kona ba populasaun husi Munisipiu 8 mak afeta ba
Dezastre Naturais iha semana ne’e nia laran.
Tuir Diretur Gabineti Relasaun Externa no
Komunikasaun Anacleto Caetano hatete, iha semana ne’e APC rejistu akontesimentu
dezastre Naturais.
“Hakarak
atu hato’o deit informasaun ba kolega media sira hotu husi Autoridade Protesaun
Sivil nafatin kontinua hato’o informasaun liga ba dezastre ne’ebe akontesimentu
ne’ebe iha Timor laran tomak, durante semana ida, husi dia 11 to’o 17 to’o ohin
loron, akontesimentu dezastre iha Munisipiu 8, hanesan Ainaro, Baucau, Ermera,
Viqueque Lautem, Manu-Fahi, Bobonaro No Raeroa, informa Diretur APC.
Nia
hatutan tuir dadus vitima sira ne’ebé hetan dezastre naturais ne’e hamutuk 118,
no tipu husi dezastre iha 3.
“Total
dadus ne’ebe mak APC nacional simu ne’e hamutuk 118, maibe dadus antes iha dia
11 informasaun ita foin simu iha semana ida ne’e. municipiu 8 ne’e ne’ebe
akontese iha tipu dezastre ne’e oin 3, tipu anin bot, rai halai, no ahi-han
uma. Husi tipu dezastre 3 ne’e barak liu iha rai halai no segundu mak mota sobu
bee sae, ne’ebe hamutuk 118, iha semana ida ne’e ita la simu imformasaun ema
lakon vida,” hatutan Diretur ne’e.
Entretantu
total populasaun ne’ebé iha uma ne’ebé hetan afeta 1970, uma ne’ebe mak halo
kontrussaun ne’ebe ita konsidera konstrui hamtuk 1648, signifika uma ne’ebe
afetada tenki tama iha lei nu.7/ tenki tui lei iha artigu 9.
Jornalista: Pascoal N. de Jesus
Editor: Alexandre Salsinha
0 Comments