ADMINISTRADOR RAILACO SEI PRIORIDADE BA EhD ASESU BA EDUKASAUN

 

                                                        Imajen: Tomas da Costa Soare

Dili-12/07/2023-Media Defisiensia-Administrador Posto Administrativo Railaco Município Ermera sei tau prioridade ba Ema ho Defisiensia atu bele assesu ba Edukasaun formal no naun formal hanesan ho maluk sira la ho Defisiensia.

 Iha intervista ba jornalista rkdtl.tl Domingu semana ne’e Administrador Posto Railaco Tomas da Costa Soares hatete, Ema ho Defisiensia sira iha direitu hanesan atu bele assesu ba iha edukasaun.

“hau hanoin ko’alia ba Ema ho Defisiensia ita hotu hatene katak ema hotu iha direitu hanesan tanba ne’e ema ho Defisiensia sira mos bele iha direitu atu bele assesu ba iha edukasaun hanesan sidadaun sira seluk, tanba fatin ne’e di’ak, no Ema Defisiensia iha privelezu ida ne’ebé ke bo’ot atu bele akumula nia maluk sira mai iha fatin ne’e atu nune’e bele hetan mos edukasaun ida, mesmu ke iha edukasaun naun formal maibé importante tebes atu ba sira atu nune’e bele aumenta sira nia kapasidade diak iha futuru.,” dehan administrador Posto Railaco Tomas da Costa Soares.

Administrador ne’e hatutan, governu iha ona planu atu tau prioridade ba EhD hodi bele hetan edukasaun hanesan maluk sira seluk.

“ita espera katak governu iha ona planu katak ema hotu-hotu iha Direitu hanesan la iha Diferensa ba nia atu Defisiensia ka la Defisiensia maibé hare ba ema, governu mos iha planu par atu nune’e tau mos prioridade ba sira par atu nune’e sira mos bele hetan edukasaun hanesan maluk  sira seluk,” hakotu nia.

Entrtantu lia hirak ne’e hato’o hafoin partisipa iha serimonia  distribui sertifikadu ba formandus sira ne’ebé remata ona formasaun kursu komputador no Lian Inglés iha Suco Ftuquero Posto Administrativo Railaco Município Ermera 09/07, no formasaun sira ne’e fasilita husi Organizasaun Naroman ba Futuru ne’ebé estabelese ona fatin refere.

Jornalista                    : Alexandre Salsinha

Editor                         : Alexandre Salsinha