Dili-22/10/2025-Média Defisensia, Ministeriu Saude liuhusi Diretor Jeral Kuidadu Saúde Primária (KSP), hamutuk ho WHO, diretor sira husi munisipiu sira konklui workshop, hodi diskute hamutuk ba apoiu teknika ba governu, atu bele hadia aspétu nutrisuan iha nivel hospitalar iha Timor-Leste.
Tuir
Diretora Jeral Kuidadu Saúde Primária, Elizabeth Letomau hatete, workshop
ida-ne’e hodi fó kontribuisaun no mellora ba sistema saúde, no buka konsénsu no
validasaun kolektivu ba aspétu servisus nutrisuan iha ospitáis sira.
“Ohin
momentu importante ida-ne'e, hodi fó kontribuisaun no mellora ba sistema saúde
iha Timor-Leste. Hau-sente orgullu tebes
iha ita nia hamutuk ba workshop, ne'ebé fó oportunidade atu buka konsénsu no
validasaun kolektivu ba dokumentu sira importante tebes neʼebé bele hadia
aspétu servisus nutrisuan iha ospitáis sira. Ita-nia ospitál sira la'os deit
fatin atu trata pasiente ho medikamentu, maibé mós presiza garante pasiente
sira simu hahan neʼebé seguru, nutritivu, no ba prosesu rekuperasaun nian”,
Dehan Diretora Jeral KSP, iha Salaun Delta Nova Dili, 22/10.
Diretora
hatutan, objetivu husi worshop ne’e atu diskute kona-ba pontus manual tolu,
oinsa bele hadia di’ak liu iha futuru. Nune'e dokumentu sira tenke la'o ho atensaun
seriu ba manual importante ne’e.
“Manual
tolu importante iha dokumentu sira hanesan, Manual Refeisaun Hospitalar - sei
orienta servisus preparasaun hahan ba pasiente sira iha ospitáis sira hotu.
Manual ida ne'e sei ajuda fó padronizasaun no klaridade kona-ba menu, porsaun,
no forma servisu hanesan baseia ba kondisaun klinika pasiente nian. Guia
Prátika Diak ba Higiéne Alimentár - importante tebes atu prevene moras sira
neʼebé mak bele surgi tanba han ne'ebé kontamina, prepare ho forma di'ak, ka
iha ambiénte ne'ebé sseguru. Ita bele halo esforsu mediku ida boot, maibé se
han la seguru, pasiente sei bele moras tan, no Manual Nutrisaun Hospitalar-bele
servisu hanesan referénsia ba tékniku saúde noprofisionál nutrisuan, atu
determina preskrisaun dietétika neʼebé maka adekuada ba pasiente ho moras sira
nebe diferenti. Nutrisaun iha impaktu direta ba prosesu trata no recuperação
pasiente”, Tenik Diretora jeral KSP.
Diretora
Jeral KSP, fó obrigadu ba ekipa téknika sira husi Diresaun Nasional Nutrisuan
nomos ba suporta husi parseiru sira hanesan OMS (WHO), UNICEF, WFP no
organizasaun sira seluk ne'ebé kontinua fó apoiu teknika ba governu, hadia
aspétu nutrisuan iha nivel ospitalar. Apelu ba Diretores no Gestores ospitál
sira, atu fó prioridade ba área nutrisuan, hodi bele garante sistema saúde,
maibé iha nivel hanesan ho tratamentu médiku.
Entretantu,
atividade ne’e sei hala’o durante loron rua, partisipa husi Diretor Exekutivu
Hospital, Diretor ADT, Diretor Nasional, Xefe Departamentus, Xefe KSI,
Representante husi OMS, no Instituisaun relevante sira, Tékniku Profisionál
Saúde no partisipante sira hotu.
Jornalista : Geraldino Magno
Editor :
Média RKDTL
0 Comments