Dili-04/08/2025-Média Defisensia,
Ministeiru Edukasaun(ME) renova akoordu ho Radiu Televizaun Timor-Leste, Empreza
Publika (RTTL.EP), hodi kontinua servisu hamutuk ba publikasaun Programa
Telejornal no Tele Eskola.
Direitora
Jeral PPIL, Odelia das Dores Ung. Martins, hatete atividade ohin atu renova
akoordu ho RTTL.Ep, tanba durante ne’e sempre servisu hamutuk foku ba prosesu
aprendizajem sira ligadu ho kurikulum nasional ne’ebé iha.
“Servisu
entre Ministeiru Edukasaun ho RTTL.Ep la’o tinan naruk ona akordu ne’ebé presiza
renova fila-fali, iha tinan ne’e fulan Marco remata ona entaun presiza estende
tan fali kooperasaun. Tanba média publika hanesan RTTL hodi bele tulun ami ba
publikasaun sira ne’ebé ligadu ho programa telejornal no programa tele eskola
ne’ebé fó sai ba iha públiku liu husi kanal RTTL nian. Durante ne’e la’o hela
ita foku ba prosesu aprendizajem sira ligadu ho kurikulum nasional ne’ebé iha, prosesu
ita halo liuhusi média ministeiru nian halo gravasaun ba iha programa tele
eskola no ita hanoin presiza publika
husi média públiku nune’e manorin sira no estudante sira bele asesu. Iha tele
eskola ne’e materia hotu-hotu iha kurikulu ita enkaixa hotu iha ne’eba koopera
ho RTTL atu bele halo publikasaun ba iha semana ida nia laran sei publika iha
dader no lokraik, hanesan dadersan nian foku ba iha primairu siklu no Segundu,
iha loraik ba iha terseiru siklu no Ensinu Sekundaria Jeral inklui ESTV”, Dehan
Direitora Jeral PPIL iha Salaun ME, Dili, 04/08.
Diretora
ne’e hatutan, prosesu ida-ne’e Ministeiru Edukasaun no RTTL.Ep hanoin atu halo
gravasaun presiza halo publikasaun, tenke iha komitmentu liuhusi akordu ida atu
bele kesi métin instituisaun rua ne’e ba exekusaun iha programa sira atu fó sai
iha televizaun.
“Asina
akordu ne’e lao tina rua, agora dadaun la’o ho prosesu ba tinan rua ou tinan
tolu nia laran ita sei haree hamutuk, iha durasaun tempu ne’ebé la’o iha parte
husi RTTL ho ME hanoin presiza renova, tanba haree husi progresu ne’ebé la’o presiza
iha koordenasaun fila fali atu renova fali akordu ne’ebé la’o ona. Agora dadaun
parte rua aseita hamutuk ba akordu ida-ne’e deside akordu sei la’o durante tinan
rua nia laran”, Esplika Diretora.
Iha
fatin hanesan Prezidenti Konsellu Administrasaun RTTL.EP, Elizeu Isaac
Fernandes, salienta husu ba ba públiku
hanesan telivizaun publika ida, iha diver atu publika informasaun sira
relasiona ita nia estadu, atu estadu ida ne’ebé deit bainhira estadu eziste iha
Timor-Leste RTTL. Ep iha komitmentu atu
apoiu.
“Iha
nunu governo ida-ne’e RTTL kontinua servisu hamutuk ho Ministeiru Edukasaun, hodi
bele fahe informasaun sira relasiona ho progresu servisu libuk ida ita haree la’o
hela iha 13 munisipiu inklui Oekusi no Atauru. RTTL.Ep hanesan telivizaun públiku ida atu bele iha
komitmentu fahe informasaun. Tanba progresu lubuk ida ita servisu hamutuk no média
sira hotu iha dever atu dizemina informasaun sira positivu ba sosiedade hotu”,
Tenik Prezidente Konsellu Administrasaun RTTL.EP.
Entretantu,
telivisaun estadu nian iha dever atu servisu hamutuk ho entidade estadu sira no
mós entidade privadu sira, RTTL.Ep iha komitmentu servisu ho estadu ida-ne’e ho
Ministeiru Edukasaun atu dizemina inforsaunn no programa ministeriu nian
relasiona ho kurikum eskola.
Jornalista :
Eufrozina Braz
Editor : Média RKDTL
0 Comments