Dili-07/07/2025-Média Defisiensia, Asossiasaun
Ahisaun Disability Foundation (ADF) marka Audiensia ho Programa Manager
Embaixada Uniaun Europeia (EU), hodi apresenta atividade ne’ebé Ahisaun la’o ona,
no halo diskusaun ba programa ne’ebé Ahisaun iha oinsa atu servisu hamutuk ba futuru.
Diretora
Ahisaun Ermenciana Alves hatete, Objeitivu husi atividade ne’e, hodi hametin
relasaun di’ak ho Uniaun Europeu no iha diskuksaun ne’e Fundasuan Ahisaun rona
mós kona-ba pontus importante hirak ne’ebé iha.
“Objeitivu
husi atividade ne’e atu haree pontus importante hirak ne’ebé iha hanesan Promove
inkluzaun no direitu sira ba ema ho defisiénsia, Fó prioridade ba promosaun
direitu humanu no igualdade oportunidade ba ema ho defisiénsia iha Timor-Leste.
Diskute atu apoiu no parserias ba programasaun, hala'o diskusaun kona-ba
formasaun, apoiu tekniku no fundu sira ne'ebé Uniaun Europeia bele kontribui,
atu sustenta organizasaun lokal sira ne'ebé servisu ho komunidade defisiénsia
no reforsaa kapasidade organizasaun lokal sira”, Dehan Diretora iha Palms
Spring Osindu 2 Surimas Dili, 07/07.
Hatutan
tan Diretora, audiensia ho Uniaun Europeia atu haree oinsá bele kontribui ba
dezenvolvimentu kapasidade organizasaun defisiénsia Timor-Leste nian. Liuhusi
treinu rekurusu no partisipasaun, iha politika públika no identifika dejafiu no
prioridade sira.
“Diskusaun
ne’e ami Identifika dezafiu no prioridade sira atu troka informasaun kona-ba
situasaun atual, dezafiu sira no nesesidade urgente husi komunidade defisiénsia
nian, no Promove kolaborasaun kontinua”, Tenik Diretora.
Entretantu,
audiensia refere atu estabelese ligasaun forte entre Uniaun Europeia no
organizasaun local, hodi kontinua halo
advokasia no implementa programa inkluzivu. Alende ne’e liga mós ba Sosiade sivil
no Agensia hirak ne’ebé servisu iha Timor-Leste hanesan Forum NGO, ADTL no
agensia sira hanesan Plan International no seluk tan.
Jornalista : Eufrozina Braz
Editor :
Média RKDTL
0 Comments