PM HALA'O DISKURSU OCAZIAUN BA SEKSAUN ABERTURA XV NO SIMU MINISTERIAL PALOP-UE

Dili-09/06/2025-Media Defisiensia, Primeiro Ministro (PM) realiza enkontu ho Ministerial PALOP-UE, hodi halo diskursu kona-ba apoiu ka parseria ne’ebé husi Nasaun Cabo Verde, Mocambique,São Tomé e Príncipe, Guiné-Bissau, Angola,Afrika, nomós Uniaun Europeia fó ba Timor-Leste.

Iha diskursu refere Primeiro Ministro Kay Rala Xanana Gusmão ho orgullu simu bainaka importante sira husi nasaun ne’ebé koalia lian official portugés (PALOP),  benvindu ba parseriu importante ne’ebé apoiu no kooperasaun ba desenvolvimentu Timor-Leste nian, durante tinan 30 resin.

“Timor-Leste integra hamutuk ho grupu PALOP iha tinan 2007, tinan lima hafoin restauransaun Independénsia. Timor-Leste orgullu ho saida maka alkansa ona, iha moris sosiedade  ne'ebé maka ukun hosi valór sira dame no demokrasia nian, maibé seidauk hatene didi'ak frakeza sira no dezafiu sira ne'ebé maka kontinua hasoru”, Dehan PM iha Salaun MNEK, Pantaikelapa, Dili 06/06.

Tinan  2025, sai hanesan tinan espesiál ida ba Mocambique, Cabo Verde, São Tomé  Príncipe no Angola, ne’ebé komemora 50 ba independensia. Nune’e mos Timor-Leste selebra ninia Aniversáriu proklamasaun independensia ba dala- 50, maske tenki luta ho sakrifisiu durante dekada rua-resin atu independensia ida-ne’e bele sai realidade. Hahú husi ne’ebá,  ikus mai hari ita nia Estadu no ita nia nasaun, ho orgullu livre no komprometidu ba dezenvolvimentu nasionál.

“Ita orgulho ho buat ne’ebé konsege alkansa on aba desenvolvimentu moris sosiedade nian ne’ebé regula ho valor paz no demokrasia, maibe konsiente nafatin kona-ba frazilidade ho dezafiu sira ne’ebé kontinua infrenta. Tanba ne’e, hametin ita-nia parseria esensiál ba dezenvolvimentu sustentável koletivu hodi bele hetan kooperasaun di’ak liu tan iha futuru”, Tenik PM.

Apoiu hosi Uniaun Europeia, prosimidade no komplisidade ne’ebé ita fahe konstitui oportunidade úniku ida atu troka koñesimentu no esperiénsia iha área sira interese komún nian, no mos atu lori kada nasaun lidera mesak ninia desenvolvimentu.

Entretantu, partisipa iha XV reuniaun Ministeriál PALOP-TL UE ne’e maka hanesan, Vise-Primeiru-Ministru, Ministru Finansas no Ministru Ekonomia Dijitál Cabo Verde, Ministru Justica, Assuntu Kontitusionál no Relijiozu Mocambique, Ministra Negósiu Estrajeiru, Kooperasaun no Komunidade São Tomé e Principe, Sekretáriu Estadu ba Orsamentu no Assuntu Fiskál Guiné-Bissau, Sekretáriu Estadu ba Planeamentu Angola, Ministru Negósiu Estranjeiru no kooperasaun Timor Leste, Embaixadora Uniaun Europeu ba Asaun Esterna Uniaun Europeia bá kestaun polítika relative Afrika no korpu diplomátiku sira.

Jornalista : Eufrozina Bras

Editor       :  Média  RKDTL