APC REJISTU EMA 1 MATE NO UMA 9 HETAN ESTRAGUS TOTAL HUSI DN

Dili-02/06/2025-Midia Defisiensia, Autoridade Protesaun Sivil iha loron 26 fulan Maio to’o loron 02 fulan Junñu tinan ne’e, durante semana ida, rejistu familia uma-ka’in hamutuk 13 hetan estragus husi dezastre naturais ne'ebé akontese iha Munisipiu hitu (7) iha semana ne’e.

Xefe Relasaun Externa no Komunikasaun APC, Nelson de Jesus Orleans afirma, durante akontesementu dezastre iha munisipiu hitu, APC registu uma latama kriteria apoiu de'it emerjensia uma 5 no numeru uma ne’ebé priense kriteria ka afetadu hamutuk 9 no mate 1, nune’e APC munisipiu apoiu kedas emerjensia ba vitima sira ne’ebé hetan dezastre.

"Durante semana ida nia laran iha munisipiu Hitu Autoridade Protesaun Sivil, Sekretariu Estadu Protesaun Sivil rejistu xefi familia uma-ka’in hamutuk 9 hetan estragus husi dezastre naturais, apoiu de’it emerjensia 5 ne'ebe akontese ba ema afetadu 46, Mate 1 no evakua 7", Dehan Xefe Relasaun Externa no Komunikasaun APC, Kaikoli, 02/06.

Xefe Relasaun Externa no Komunikasaun hatutan, iha munisipiu haat mak APC registu uma estragus 13 hetan estragus husi, anin sobu 7, rai halai 3, ahi han uma 2, bee sa’e uma 1 no ema mate 1 ne’ebé akontese durante semana ida nia laran.

"Munisipiu Hitu ne'ebé hetan estragus hanesan Munisipiu Baucau, Vila Postu Baucau, Suku Buruma, Aldeia Suli-ua, iha loron 28/02/2025 Akontese Ai-monu hanehan Francisco da Silva iha dalan be'e matan ho idade 48. Suku Bahu, Aldeia Makadae, iha loron 23/05/2025 Akontese Ani sobu nia uma 1. Suku Uailili, Aldeia Ledatame, iha loron 18/05/2025 Akontese Ani sobu komunidade nia uma 1. Postu Laga, Suku Sagadate, Aldeia Seligua, Iha Loron 19/05/2025 Akontese anin sobu komunidade nia uma 1. Posting Vemasse, Suku Ossoala, Aldeia Uma-ana-iku, iha loron 20/05/2025 Akontese Anin sobu komunidade nia uma 1. Pasca Quelecai, Suku Maluro, Aldeia Samafalo, iha loron 22/05/2025 Akontese rai halai estraga komunidade nia uma no ema 1 mate, Postu Baguia, Suku Larisula, Aldeia Lauhare, iha loron 27/05/2025 Akontese anin sobu komunidade nia uma 1. Munisipiu Covalima, Vila Postu Suai, Suku Debus, Aldeia Tabako lot, iha loron 30/05/2025 Akontese Anin sobu strga komunidade nia uma 1 Maibe hetan deitapoiu emerjensia. Municipiu Bobonaro, Postu Bobonaro, Suku Molop, Aldeia Molop Taz, iha loron 21/05/2025 Akontese Rai halai estraga komunidade nia uma 2. A'at total Vitima evakua ba Uma lisan. Municipio Lautem, Postu Lospalos, Suku Fuiluro, Aldeia 31 de Agostos, iha loron 27/05/2025 Akontese ahi han komunidade nia uma/ Dapur 1 han mós Batar karon 6, Laptop 1, Motor roda 3. Municipio Manufahi, Postu Alas, Suku Dotik, Aldeia Lakluan, iha loron 27/05/2025 Akontese Be'e sae komunidade nia uma 1, maibe hetan deit apoio emergensia deit. RAEOA, Sub Rejiaun Nitibe, Suku Bene-ufe, Aldeia Citrana, iha loron 26/05/2025 akontese Ahi han komunidade nia uma 1 no la tama kategoria, simu deit apoia emerjensia no Municipiu Viqueque, Postu Viqueque, Suku Carau balo, Aldeia Cabira oan, iha loron 29/05/2025 akontese Anin sobu komunidade nia uma 1 no tama kategoria a'at total”, Tenik Xefe Relasaun Externa Nelson.

Entretantu, vitima ba dezastre naturais sira oras ne’e hetan ona apoiu emerjensia husi komandu APC ho parseriu relevante sira  iha munisipiu ida-dak apoiu aihan no la’os aihan, no komandu operasional autoridade protesaun sivil  iha munisipiu sira sei kontinua halo levantamentu dadus ba uma-ka’in ne’ebé hetan estragus makas.

Jornalista : Geraldino Magno

Editor       : Média RKDTL