Dili-08/04/2025-Média Defisensia,
Prezidente Repúblika (PR) José Ramos-Horta, ohin konvoka reuniaun ho membru
Konsellu Superior Defeza no Seguransa (KSDS),
atu haree kona-ba hametin di'ak liu tan kapasidade hodi garante pas,
garante seguransa no estabilidade iha rai-laran.
Tuir
Portavós Konsellu Superior Defeza no
Seguransa (KSDS), João Aparicio
Guterres, hatete, ohin Prezidente Repúblika konvoka enkontru ho membru sira
husi KSDS hodi haree hamutuk knaar esensiál husi instituisaun estadu nian,
hanesan Falentil-Forsa Defeza Timor-Leste (F-FDTL), Polisia Nasional
Timor-Leste (PNTL) no Polisia Siéntifika Investigasaun Kriminál (PCIC) kona-ba
kontrolu armamentu imunisoens.
"Iha
parte ida atu hametin di'ak liu tan kapasidade hodi garante pas, garante
seguransa no estabilidade iha rai laran. No iha parte seluk atu garante
seguransa ba ita nia populasaun, mantein orden publika iha Timor-Leste no
partesipasaun ativia husi sidadaun sira hotu, ba seguransa nasionál," Dehan
Portavós KSDS, iha Palásiu Prezidensiál Bairu-Pite, Dili,
Segunda 07/04.
Hatutan
Porta Voz KSDS, aspektu importante ne'ebe koalia sai iha reuniaun ne'e kona-ba
kontrolu rigoroju tebes ba uza armas no koordenasaun mais altu nivel, no realsa
mós treinamentu ho kapasitasaun instituisaun tolu ne'e ninian, maibé sobre sai
liu mak pontu rua tenke iha disiplina no etika kuandu uza kilat.
"Lei
la fo dalan hau atu koalia kona-ba rezultadu reuniaun ninia, maibé aspetu sira
ne'ebe importante maka garante seguransa rai laran ninia, garante integridade
operasoens militar ninia, garante komprimentu normas legais rai-laran, no
internasionais kona-ba seguransa, no direitus umanus. Tanba Konsellu Estadu
hanesan orgaun konsultivu Prezidente Repúblika nian ba asuntu polítiku, bazeia
ba Konstituisaun RDTL artigu 90 no 91 no Konsellu Superiór Defeza no Seguransa
hanesan orgaun konsultivu Prezidente Repúblika nian ba asuntu defeza, seguransa
no soberania, bazeia ba Konstituisaun RDTL artigu 48," Afirma Porta Voz.
Entretantu,
Membru ba Konsellu Superiór Defeza no Seguransa hamutuk 13 hanesan
Primeiru-Ministru, Kay Rala Xanana Gusmão, Ministru Negósiu Estranjeiru no
Kooperasaun, Bendito dos Santos Freitas, Ministru Defeza, Contra Almirante
Donaciano Costa Gomes 'Pedro Klamar Fuik', Ministru Interiór, Francisco da
Costa Guterres Ministru Justisa, Amândio Sergio Hornai. Reprezentante
Parlamentu Nasionál Deputada Maria Terezinha da Silva Viegas, Deputadu David
Mandati Dias Ximenes no Deputadu Duarte Nunes. Xefe Estado Maior Generál das
F-FDTL, Tenente-Jeneral Domingos Raul 'Falur Rate Laek', Komandante Jerál PNTL,
Komisáriu Jerál Henrique da Costa, Diretór Jerál Servisu Nasionál Intelijénsia,
Longuinhos Monteiro, Júlio Tomás Pinto no Nuno Manuel Corvelo de Andrade
Sarmento ne'e Nomeadu husi Prezidente Repúblika.
Jornalista : Aselmo Martins
Editor : Média RKDTL
0 Comments