GOVERNU ENTREGA AMBULANSIA IDA BA PREZIDENTE REPUBLIKA

 

Dili-13/03/2025-Média Defisiensia, Governu liuhusi Ministeriu Saude, entrega ambulansia ida ba Prezidente Republika hodi destaka iha klinika ne’ebé instala iha Palasiu Prezidente atu asegura no fasilita tratamentu saude ba funsionariu no komunidade sira ne’ebé hela besik.

Prezidente Republika Demokratika Timor-Leste José Ramos-Horta, hatete dadaun ne’e médiku ba Prezidente nian, hodi fó apoiu ba funsionariu no komunidade balun presiza, tanba ne’e parte saúde oferese Doutor nain rua husi Kuba, enfermeira rua husi Timor oan.

“Servisu médiku ba Prezidente nian iha ne’e fó apoiu ba funsionariu sira hotu-hotu familia funsionariu no ema husi liur mós bele mai halo  tratamentu iha ne’e, ekipamentu modernu ida ne’e bele sai hanesan exemplu ida, nune’e ita bele halo iha rai ne’e. Porexemplu hau kuandu ba vizita ba deit Indonesia dalaruma transitu de’it hela iha hotel ambulansia ida iha liur tantu iha Portugal ambulansia ida tuir, ne’e hatudu ema nia organizasaun. Ita nian hau rasik mak la liga ba buat ne’e, maibé dalaruma derepente bele presiza liu-liu bele fó apoiu ba ema oioin funsionariu sira no komunidade sira presiza, tekniku ne’e mai husi Ministériu Saude, hau haree ekipamentu Ai-moruk ne’ebé presiza hanesan nesesidade ida”, Dehan PR iha Aredór Palasiu Prezidente, 13/03.

Iha fatin hanesan, Diretor Jeral Servisu Nasional Ambulansia  Emerjénsia Médika (SNAEM I.P) Simplicio Amaral de Deus, esplika Ministeriu Saude simu pedidu husi Prezidente Republika, husu MS atu koloka ambulansia ida, doutor no enfermeira sira balun, hodi asegura Prezidente Republika, Funsionariu no Komunidade sira hela besik Palasiu Prezidente nian bainhira presiza atu konsulta.

“Pedidu koñesimentu husi Prezidente Repúblika nian, entaun Ministériu Saúde liuhusi Servisu Nasional Ambulansia  Emerjénsia Médika, ita koloka ambulansia ida mai iha ne’e atu asegura Prezidente, funsináriu no komunidade sira ne’ebé hela besik iha Palasiu Prezidente nian, hanesan Kampu Alor, Bairo Pite no Lanut. Objektivu ne’e la’os asegura de’it Prezidente no funsionariu maibé asegura mós komunidade sira”, Tenik Diretor Jeral SNAEM.

Entretantu, Ministeriu Saude, sempre mai haree no koloka ba iha Munisipiu ne’ebé mak prioridade tuir planu servisu nasional ho ambulansia nian iha Ministeriu Saúde. Tanba ne’e Orsamentu tau iha kompras ambulansia 300 mil no hamutuk 57 ne’e Ministeriu sura hotu ida ohin aloka ba Sua Excelensia Prezidente.

Iha serimonia ne’e entrega husi Ministra Saude, Elia A. A. Dos Reis Amaral ne’ebé simu husi sefe kasa sivil Jesuina Maria Gomes no asisti direta husi Prezidente Republika José Ramos-Horta ho Primeiru Ministru Kay Rala Xanana Gusmão.

Jornalista : Aselmo & Elo (Estajiadu)

Editor      : Média RKDTL