PLAN HÓ AHDMTL FASILITA FORMASAUN BÁ MEMBRU ORGANIZASAUN DEFISIÉNSIA

 

Dili-19/02/2025 Média Defisiénsia, koordenadóra asuntu Defisiensia no Diversidade Livania Baquita dos Santo Gomes,hateten Plan ho Asosiasaun Defisiénsia Matan Timo-Leste fasilkita formasaun bá membru organizasaun sira atu hare konaba implementasaun dadus bá iha projektu ne’ebé mak halao iha Municipiu 3 iha tinan 2 nia laran, foti dadus ba iha Municipiu mak hanesan Ermera,Ainaro no Dili.

”Objetivu ida ne’e maka atu halo fila fali Refleksaun liu-liu liga ba iha dadus sira ne’ebé mak implementa ona ba iha projetu ida ne’e, no atu hare fila fali obstákulu saida mak  hasoru no mo’os benefísiu saida hetan ona durante implementa projetu.

Ami hakarak hatene durante implementasaun tinan rua ne’e progresu saida mak ami hetan no mo’os  benefisiáriu hira mak  hetan ona ne’e liu-liu liga ba asuntu Defisiensia no mo’os asutu LGBTIQ+ ninian rasik.”dehan koordenadóra asuntu Defisiensia no Diversidade Livania Baquita dos Santo Gomes, ba jornalista iha salaun Kruz Vermella Audian, (05/02).

Nia hateten, Extensaun Munisipiu sira bazeia ba Fundus ne’ebé mak iha Munisípiu tolu ne’ebé mak ho dadus ema ho Defisiensia no mos LGBTIQ+  ne’ebé mak  a’as , hatene dadus Ema ho Defisiensia, dadus ne’e dala barak autoridade lokal  sempre ajuda  asuntu Defisiénsia,  maibé ligadu LGBTI entaun susar tebes atu identifika no dadus ne’ebé mak  eziste iha Timor‑Leste  susar tebes atu hetan.

Liu husi sensus uma kain ne’ebé mak  liu husi dadus MSSI no mo’os liu husi parte hotu-hotu entaun ita hatene katak liu hosi Munisipiu rua Ainaro ho Ermera sai hanesan Munisipiu ne’ebé mak númeru  a’as ho ema Defisiensia, ida ne’e mak hanesan inisiativa ka dalan ida ita atu implementa Projetu sira ne’e iha Munisipiu rua ne’ebé mak ita identifika tiha ona.

Tuir dadus ne’ebé mak hetan ami nia parseiru Alquires Timor-Leste iha ne’ebá sira hatene katak LGBTI ne’ebé mak rezistu ne’e 700 resin ida  ne’ebé  rezistu, maibé ita seidauk identifika ida ne’ebé sira seluk tan husi ne’e, entaun númeru ne’ebé mak ami hetan ne’e husi Peskiza Alquires halo iha 2016 peskiza ne’ebé mak ami halo kontinua to’o agora, ami sei servisu nafatin ho Arquires Timor-Leste hodi hatene dadus klaru LGBTIQ+ ne’e rasik.

Atividade durante loron rua ne’e Plan Internasional nunka serbisu mesak  sempre serbisu hamutuk ho nia parseiru sira, ho Fundus husi projetu ne’e rasik husi Uniaun Européia ne’ebé mak implementa husi Plan Internasional ho nia Aplikante rua AHDMTL no mo’os Arquires Timor-Leste.

 Implementa Projetu ida ne’ebé mak kobre husi parte Instituisaun Governu sira nian  mak hanesan SEFOPE, MSSI SEI Ministeriu Justisa, Ministeriu Edukasaun, servisu hamutuk ho parte Guverno sira liu-liu liña Ministerial sira iha implementasaun Programa.

Jornalista  : Eufrosina  S. Bras

Editor         : Média  RKDTL