GUARDA PRISIONÁL 74 SIMU POSE HUSI MINISTERIU JUSTISA NO KFP

 

Dili-05/02/2025, Média Defisiensia, Ministériu Justisa hamutuk ho Komisaun Funsaun Públiku fó pose ba Guarda Prisionál hamutuk-na’in 74, hodi hala’o servisu Guarda Prizaun iha Suai, Gleno no Becora.

Tuir Ministru Justisa Sergio da Costa Hornai, dehan atividade ohin atu fó pose ba guarda prizionál sira ne’ebé rekruta foun, entre sira ne’e ho idade ruanulu ba leten, hodi hametin kuadru pesoál sira no priénse servisu kualidade tanba ho tempu naruk.

"Ita rekrutan ema atu kontribui liuhusi idade 20 to'o 30 ba iha instituisaun kuandu laiha impedimentu ruma ou laiha intrupsaun ruma. Ohin ita bo'ot sira intrega an ba iha Ministeiru Justisa ka uma mahon bo'ot Funsaun Publik iha administrasaun estadu republika ida ne'e. Mesmu ita bo'ot sira agora estatutu goja hela ita bo'ot sira nia estatutu nu'udar ajente Administrasaun Publika iha MJ nian", Dehan Ministru Sergio iha Salaun Ministeriu Justisa, 04/02.

Ministru Justisa hatutan tan,  Komisaun Funsaun Públika ho nia komitivu sei esforsu hodi halo konversaun, atu orienta no diriji ba governu, bazeia ba lei ne’ebé regula hodi haree ba servisu guarda prizaun sira nian.

"Iha Lei balu ka dekretu balu ne'ebé regula dadauk kona-ba aprezentasaun ka ba iha reforma  obrigatoriu ninian, ohin ita iha ona prizaun tolu Gleno, Suai no mós Becora, representa ita nia intrese lezitimu estadu, kuandu iha rekursu ka prizoneiru sira hasoru problema kona-ba justisa, tenke tau iha fatin dignu. Ministériu Justisa sempre enkordenasaun ho Presidente Komisaun Funsaun Públiku hanesan ambrela ba iha administrasaun publika estadu nian, hakarak duni halo rekapitalizasaun no rekonsolizasaun kuadru ida ne'ebé komponente iha duni lejitimidade, kapasidade hodi hatán problema hotu tantu iha diresaun no ba iha departamentu sira, iha seksaun nomós iha servisu tékniku operasional iha servisu prizioneiru sira nian”, Afirma MJ

Iha Fatin hanesan Prezidente  Komisaun Funsaun Públik (CFP-sigla portugues), Agostinho Letêncio de Deus subliña, apresia tebes ba konkorete 4.000 resin maibé konkorete na'in 74 mak liu iha selesaun ne’e hamutuk ho motorista-na’in rua.

"Iha administrasaun publika iha etapa ikus prosesu sira ne'e hotu ohin nain 74 inklui motorista nain rua asina termu aseitasaun ho sua Excelensia Ministru. Kuandu ingresu ba Funsaun Públiku permanente sei asina termu aseitasaun dala ida tan, prosesu ohin asina kontratu ajente nian durasaun ba tinan ida", Hatete Prezidente KFP.

Entretrantu, husu ba linña ministeriais sira hotu atu bele hadia sistema Rekursu Humanus Administrasaun Publika no konsolida kapasidade Rekursu Humanus liliu atu bele atende didi'ak komuidade sira. Baze dadus Komisaun Funsaun Públiku nian funsionariu ne'ebé mais joven entre tinan 20 to'o 25 ne'e 7% maioria 50 ba leten joven sira kuaze laiha, agradese ba Ministru Justisa tanba ohin públiku haree maioria joven de'it prontu atu servisu ba estadu ne’e.

Jornalista : Geraldino Magno

Editor       : Média RKDTL