CAC KONKLUI SENSIBILZASAUN LEI MEDIDAS PREVENSAUN NO KOMBATE KORRUPSAUN

Dili-23/01/2025-Média Defisiensia, Kominsaun Anti Korupsaun (KAK) realiza atividade sensibilzasaun lei medidas prevensaun no kombate korrupsaun ba kargu xefia sira ho tema “Hasa’e Koñesimentu Ajente Públiku ba Rejime Deklarasaun Rendimentu Bens no Interese Rikusoin”, abertura husi Ministra Solidariedade Sosial no Inkluzaun.

Tuir Ministra Solidariedade Sosial no Inkluzaun Verónica das Dores hatete, ho abertura atividade  ne’e hakarak apresia ho KAK nia programa sira, hodi halo sosializasaun ba kargu xefia sira hodi halo servisu tuir koridór.

“Agradese ba komisariu sira iha tempu ohin bele halo ona sosializasaun kona-ba programa Anti Korupsaun, ita presiza halo sosializasaun atu hotu-hotu bele komprende, oinsa mak ita bele servisu la’o tuir koridór ida ne’ebé di’ak. Hau hanoin ne’e mensajen de’it hau labele hatete se mak simu so depois de investigasaun husi tribunal tun ona mak ita foin hatene nia simu kalae, so tribunal mak bele julga nia katak nia simu ou lae”, Dehan Ministra MSSI iha Salaun MSSI Kaikoli, 23/01.

Komisaun Anti Korupsaun (CAC-sigla Porrugues), Rui Perreira dos Santos salient, ohin realiza sensibilizasaun informasaun ba kargu xefia sira, relasiona ho rejista sira-nia riku soin tanba tinan uluk balu lista la tama ita espera tinan ne’e bele hola parte hotu.

"Ohin atividade KAK nian halo sensibilizasaun ba kargu xefia sira kona-ba servisu KAK nian nomós importante liu prezensa kargu xefia sira ne'e, oinsa informasaun sira ne'e ba iha ministériu ida-idak. Asesór nasionál sira, kargu xefia sira oinsá bele ba rejista sira-nia riku soin, ida ne'e servisu ohin loron nian, ita mai iha ne'e tanba tinan kotuk iha ministériu balun, ministériu interior lubuk ida mak kona penalti, depois balu iha saúde ninian no ministériu lubuk ida mak kona penalti hamutuk 400 resin, iha 400 resin ne'e iha balu mak halo reklarasaun ba KAK iha balu konsidera no balu ita la konsidera, tanba ne'e mak ita espera tinan ida ne'e ho atividade ne'ebé ita hala'o kargu xefua sira nomós iha gabinete ministériu sira, lista asesór nasional sira ne'e, tanba tinan kotuk balu lista la tama. Tanba ne'e tinan ida ne'e espera katak asesór sira nomós iha parlamentu nasionál tinan kotuk la tama, tinan ne'e hotu-hotu ne'ebé hatene an katak nia asesór nasionál nia tenke iha obrigasaun atu ba rejistu rikusoin", Tenik Komisariu KAK.

Entretantu, Komisaun Anti Korupsaun agradese ba MSSI disponivél hodi oferese fatin hodi realiza sosializasaun ne’e tanba KAK laiha fatin no laiha osan. Relasiona ho dadus sira ne'e KAK sei verifika iha 80 hanesan ne'e mak Ministériu Finansas seidauk kortes, tanba ne'e sei tur hamutuk hodi diskute, tanba sa mak ema 80 resin ne'e seidauk ko'a sira-nia 25 ne'e.

Jornalista : Geraldino Magno

Editor  : Média RKDTL