APC REGISTU UMA 12 HETAN ESTRAGUS HUSI DN DURANTE SEMANA IDA

 

Dili-27/01/2025-Midia Defisiensia, Autoridade Protesaun Sivil iha loron 20 too 27 fulan Janeiro tinan ne’e, durante semana ida rejistu familia uma-ka’in hamutuk 12 hetan estragus husi dezastre, ne'ebé akontese iha munisipiu neen (7).

Xefe Gabinete GREC Cesario da Silva Marques hatete, durante akontesementu dezastre iha munisipiu Hitu, APC registu uma latama kriteria, apoiu deit emerjensia uma haat, no numeru uma ne’ebé priense kriteria ka afetadu hamutuk Sia, nune’e APC munisipiu apoiu kedas emerjensia ba vitima sira ne’ebé hetan dezastre.

"Durante semana ida nia laran iha munisipiu 7 Autoridade Protesaun Sivil, rejistu xefi familia uma-ka’in hamutuk 12 hetan estragus husi dezastre naturais ne'ebe akontese ba ema afetadu 74. Ema evakua 5 no asidente trafiku 3", Dehan Xefe Gabinete GREC Cesario iha Salaun Konferensia APC Kaikoli, 27/01.

Xefe Gabinete GREC APC hatutan, iha munisipiu 7 mak APC registu uma 12  hetan estragus husi, ahi han 1, Anin boot sobu uma 7 no Rai halai uma 4 hetan estragus husi dezastre ne’ebé akontese durante semana ida nia laran.

"Munisipiu Hitu ne'ebé hetan estragus hanesan Munisipiu Ainaro, Posto Administrativu Ainaro Vila, Suku Soro, Aldeia Tamhuk iha loron 24 fulan Janeiro tinan ne’e akontese asidente kareta ho numeru matrikula 50-379 baku fila rejulta vitima nain tolu kanek grave, Munisipiu Bobonaro, Postu Cailaco, suku Daudu Aldeia Sae-heu  loron 17 fulan Janeiru tinan ne’e akontese anin boot estraga komunidade nia uma ida, Postu Maliana, suku Saburai aldeia Cossal  loron 24 fulan janeiru  2025 akontese rai halai estraga komunidade nia uma ida, Munisipiu Dili, Postu Dom Aleixo, Suku Madohi, Aldeia Anin Fuik iha loron 20 fulan Janeiru 2025, akontese anin boot estraga komunidade nia uma ida, Postu Nain-Feton Suku Lahane Oriental, Aldeia Soe Rama iha loron 21 fulan Janeiru, akontese rai halai estraga komunidade nia uma rua, Postu Vera-Cruz, Suku Mascarinhas Aldeia Aldo Balide, iha loron 22 fulan Janeiru, akontese rai halai estraga komunidade nia uma ida no Suku Villa Verde Aldeia Terus Nain iha loron 22 fulan Janeiru, akontese anin estraga komunidade nia uma ida, Munisipiu Ermera, Postu Letefoho, Suku Katrai Leten, Aldeia Raebou iha loron 21 fulan Janeiru 2025 akontese anin boot halo ai-monu hanehan komunidade nia uma ida, Postu Ermera, Suku Estadu, Aldeia Saramata, iha loorn 23 fulan Janeiru akontese ahi han komunidade nia uma ida, Munisipiu Lautem, Postu Lospalus, Suku Bouro, Aldeia Somothcho, iha loron 21 fulan janeiru akontese anin boot estraga komunidade nia uma ida, Munisipiu Manu Fahi, Postu Same Vila, Suku Babulo, Aldeia Nunfu, iha loron 15 fulan Janeiru akontese anin boot estraga komunidade nia uma ida no Munisipiu Viqueque, Postu Uatucarbau, Suku Uaniuma, Aldeia Ossomali, iha loron 23 fulan Janeiru, akontese anin boot estraga komunidade nia uma ida", Tenik Xefe Nelson.

Entretantu, vitima ba dezastre naturais sira oras ne’e hetan ona apoiu emerjensia husi komandu APC ho parseriu relevante sira, iha munisipiu ida-idak apoiu ai-han no laos aihan. Komandu operasional Autoridade Protesaun Sivil  iha munisipiu sira sei, kontinua halo levantamentu dadus ba uma-ka’in ne’ebé hetan estragus makas, no uma kain ne’ebé hetan estragus naton, bele hetan apoiu iha faze tuir mai.

Jornalista : Geraldino Magno

Editor : Média RKDTL