JOVEN TIMOR-OAN 104 TEMPU BADAK SEI BA SERVISU IHA KOREIA DO SUL

 

Dili-06/11/2024-Media Defisiensia, Sekretariu Estadu Formasaun Profisional no Empregu (SEFOPE), haruka tan Traballador Timor-oan 104 sei aranka ba servisu iha nasaun Koreia do Sul, iha área Fabrika no Peskas.

Tuir Diretor Diresaun Nasional Exterior Estranjeiru João Correia Pereira hatete, ohin asina deklarasaun entre Governu, Inan Aman no traballadór Mane 93  no Feto 11 molok ba servisu iha Koreia do Sul durante tinan Haat fulan Sanulu.

“Asina deklarasaun ne’e husi Governu, Traballadór no Inan Aman katak ita konkorda ona atu husik traballadór sira ba servisu iha Koreia, iha tinan ne’e ita atinji ona numeru 940 i tal,  ho nunmeru ne’e boot liu tinan kotuk, agora dadaun traballadór 104 maibe iha re-entri nain 8 sira sei hala’o servisu iha Koreia durante tinan haat fulan sanulu”, Dehan Diretor DNEE iha salaun Timor Lodge, 06/11.  

Hatutan Diretor DNEE, traballador sira ba servisu ho objetivu rasik atu bele servisu ho di’ak hodi hadia ekonomia familia no servi sosiedade hotu, tanba ho oportunidade ne’e lori timor nia naran hodi ba servisu tenke kumpri regras no servisu ho badinas. 

“Husu ba ita boot sira ba ho objetivu ida atu hadia ekonomia familia no ba ita boot sira nia aan liuliu ita nia inan aman sira no ba sosiedade hotu no nasaun ne’e rasik. Ita boot sira tenke hanoin no iha objetivu ida, saida mak hau fila hau sei halo ba hau nia aan ba familia sira, no husu ita boot sira atu sevisu ho vontade tomak, badinas no kuidadu aan tanba saude mós importante”, Afirma Diretor João.

Iha fatin hanesan Traballadora Heriyanti Tuati afirma, sente kontente ho oportunidade ida ne’e, hodi bele ba servisu iha Koreia durante tinan haat ho balun, nia fila mai hodi tulun familia no ajuda maluk joven seluk hodi kria rasik empregu iha ita nia rai-laran.

“Traballador hau sente kontente tebes ho oportunidade ne’ebé diak mai hau nu’udar joven ida iha mehi barak, hau hakarak servisu iha ema nia-rai, hau iha planu di’ak tebes karik hau termiña hau nia kontratu hau sei fila mai ajuda familia no fahe fali esperiensia ne’ebé hau hetan ba hau nia maluk sira joven sira, no ami ba servisu durante tinan haat iha área fabrika nian”, Tenik Traballador Heriyanti.

Esperansa ba maluk sira hotu, nafatin esforsu loron ruma ita sei hetan oportunidade hanesan mós ami hotu, tanba durante nia teste liu hein too tinan rua nia laran hafoin hetan oportunidade ne’e.

Jornalista : Geraldino Magno

Editor       : Media RKDTL