Sosiedade mak forma ema (Feto) nia ulun

 

                                                "Hakerek na'in husi "Maunelson AmaY"

Ema kria norma sosiál

Dili, 21 Outubru 2024, Media Defisiensia - Vida moris ne'e nu'udar kriasaun ida husi esperman no ovôlu mak rezulta malu hodi kria moris ida iha inan nia knotak. Moris ne'e atu dezenvolve presiza liu-husi han, hemu, hela fatin, akumulasaun ba armajenamentu ida hodi sobrevive ba nafatin. Saida mak moris, seráke ho oxijéniu de'it ita bele moris? Tuir Engel servisu mak sai baze ba moris, kontinua husi nia belun bo'ot Marx hateten ema ne'e hanesan ser sosiál ida.

Saida mak ita atu ko'alia espesífiku ka ein jerál, ha'u sei halo aboradasaun ba entre sistema ho ema (Kontrusaun sosiál), tamba ha'u-nia haree ohin loron ema barak ko'alia buat ruma liga ba moris loro-loron la bazeia ba evoluisaun ema nia moris, sosiedade, ambiénte no sistema sira ne'ebé implementa iha nasaun ida. Ho ida ne'e ho hanoin ida ha'u presiza explora opiniau ida bazeia ba saida mak ha'u haree no vizita husi referénsia sira, bainhira ha'u halo interpretasaun ba realidade iha Timor-leste ema haree feto ka komunidade balun ne'ebé diferensa orientasaun seksuál la vale ka laiha oportunidade, tan forma husi (Kognitiva sosiál).

Buat ruma ne'ebé ha'u hakarak ko'alia primeiru mak impedementu sira ba ema ( Feto), tamba barreira ida mak konstrusaun sosiál, kostume, tradisaun no norma sosiál sira. Ida ne'e pertente lo'os atu ita bele foka ba issue ne'e, tamba sai hanesan impedementu ida ba ema nia moris la seguru tuir saida mak nia rasik atu foti desizaun sira bazeia ba buat ruma nia hakarak (Sententiea). Liu-husi lei natureza no lei tradisaun (Hukum kodrat dan Hukum tradisi), lei rua ne'e nu'udar kondisaun objektiva ida mak forma ema nia konsiénte, hodi forma objetu ida tuir sujektividade sai norma sosiál no valor kulturál hodi hatur jenéru ba feto no mane (Sosiedade nia forma ba kategorizasaun).

Atividade umanu ba forma karakterístiku

Entaun ha'u hakarak ko'alia husi parte istória sosiedade nian, atu nune'e bele análiza husi evoluisaun sira, tamba tuir Frederich sosiedade (Ema) ne'e halo transformasaun ba sira nia karakter no realidade ne'e la ses husi atividade servisu diária (Papél traballu ba trazisaun leki-rauk ba ema"). Bainhira ema nia koñesimentu no experénsia ne'e komesa dezenvolve ona tuir vizaun ontolójia, lori ema ba hatur norma-norma sira, dahuluk liu-husi familia ba grupu ba to'o komunidade nune'e sai to'o sosiedade bo'ot ida. Ho ida ne'e ema define ka klasifika servisu tuir atividade ne'ebé sira halo sai hanesan toman ida, nune'e mak kria tarefas servisu hodi haketak feto ho mane ne'e diferénsia (Sistema Patriarkál ho Matriarkál).

Mai ita haree ba vida prátika nu’udar ezemplu husi Simone de Beauvoir (1908-1986), figura feminista famozu, no nia parseiru filózofu ezistensialista fransés Jean-Paul Sartre, ne’ebé inisia teze ida ne’ebé famozu tebes no depois sai baze ba movimentu feminista. Beauvoir hakerek, "Feto la moris, maibé halo" (On ne naît pas femme, on le devient) atu dehan feto ne'e la'os moris ho naran feto no feto ne'e haktemik husi sosiedade, ema mak forma nia ulun hanesan feto (Naran Feto): Beauvoir hakat liutan ida ne'e la'ós de'it prinsípiu sira kona-ba étika ninian maibé mós prinsípiu sira kona-ba natureza nian.

Beauvoir no feminista sira oho buat ne'ebé hanaran lei sira husi natureza. Bainhira teze ida-ne'e dezenvolve husi pensadór feminista sira hanesan Judith Butler, konsekuénsia sira sai grave tebes, nomeadamente katak laiha ona diferensa ruma entre mane no feto sira. Tamba iha liafuan ida prinsipál tebes oinsá ita bele análiza ho kontekstuál "Ha'u feto, la'ós tanba ha'u moris nu'udar feto, maibé sosiedade, ka ema presiza liu (sosiedade kulturál patriarkál, kategoriza ha'u nu'udar feto)".

Ho liafuan seluk makfahe sosiál sira hateten no regula sai hanesan kostume, ha'u sai feto ida husi sosiedade nia palavra la'os orijén. Tuir loloos, haʼu la moris nuʼudar mane ka feto. Tamba halo ha'u sai feto, ha'u tenke iha fuuk naruk, hatais saia, hatais laran-maus, nst. Atu bele hamate kategoria ida ne’e (kategoria diferensa seksuál) no hodi liberdade absoluta nia naran, hau bele foti desizaun atu muda identidade seksuál.

Koñesimentu di'ak hodi hakbi'it

Iha liña democratia modern (The rule of law), Beauvior akresenta beibeik kona-ba ida-ne'e, no atu habelar ha'u nia liberdade, ha'u bele hili, dala ida tan iha liberdade nia naran, ha'u nia parseiru ne'ebé ha'u hadomi, la haree ba nia feto ida no/ka mane ida ne'ebé nia identidade seksuál hanesan ho ha'u nian. Konsekuénsia saida? buat hotu sei iha nia rohan no hahú entaun mate mak buat ne’ebé hanaran natureza. Bainhira ida-ne'e akontese, ita-nia sosiedade sai destruidu duni, ita-nia étika no morál sira monu daudaun. Oho prinsípiu prinsipál sira lia-loos nian hamosu buat ne'ebé hanaran mate husi objetividade lia-loos nian.

Buat hirak ne'e hakesi ema (Feto) la'os de'it iha aspeitu kulturál nian, maibé ita hare'e ida ne'e nu'udar estrutura sosiál, nia konsekuénsia mós husi ekonómia ho polítika. Iha ne'ebé família ida moris hamutuk hanesan Aman,Inan no Oan entaun sira kria no halo feto subordinadu kedas iha uma laran,feto laiha podér oinsá halo desizaun kualkér iha família no sosiedade. Família hanesan nukleu ida iha sosiedade nia laran, entaun ba ho abordasaun ema nian, espektasaun hodi justifika no haketak tiha relasaun sosiál hodi hatur prinsípiu ne'ebé diskriminativu.

Era ida agora ema sei mout iha mitolójia sira, fiar metin liu buat ida ne'ebé iha nia forsa rasik ba dezenvolve nia aan, hodi hata'uk no halo ema seluk subordiña. Ho ida ne'e problema feto la'os kestaun doméstika no kulturá de'it, husi podér sira nu'udar funsionamentu ba serbisu iha instituisional sira, ema komprende ida ne'e hanesan sakralizasaun. Buat hirak ne'e hetan impaktu maka'as husi fatór sosiál, kulturál, psikolójiku no biolójiku nune'e influénsia feto sira-nia hahalok, sai tiha hanesan objetu ne'ebé esensiálmente hodi servi eh hetan obrigasaun ba produz oan tuir família no sosiedade nia espektasaun.

Sosiedade Timor nia ibun

Timor-Leste sosiedade ne'e moris ho koñesidu fiar ba iha natureza (Lege consuetudo), bele mós ita hateten tuir fé Romanu nia karik ( Anemizmu), ida ne'e identiku kedas ho sosiedade Timor, hakesi metin (Vinculo) labele evolui derepente ho maneira radikál, presiza halo advokásia maka'as ligadu husi métodu sira ba hakotu korrente ejemónia ida ne'ebé la fó fatin ba moris hanesan ema hotu nian. Sosiedade Timor sira iha munisípiu barak moris ho lei tradisionál, nafatin halo tuir tradisionál sira ne'ebé husik hela husi Bizavô nune'e iha tendénsia bo'ot hodi limita ema seluk tuir kondisaun uluk duké kompara ho agora.

Transforma ema husi sosiedade ida ba sosiedade seluk avansadu lo'os ona iha Mundu ohin loron, kauza husi Sains no Teknolójia forma ema nia koñesimentu no karakter sira, hahú husi sosiedade komunál primitivu, eskravidaun, feudalizmu, kapitalizmu no daudaun ne'e esforsu hela atu tama ba komunizmu (Versus Maxizmu) hirak ne'e liu-husi prosesu ida ke naruk (Istória umanidade), objektivamente hatur ema sai hanesan pontensialidade ba mudansa, iha negasaun ba negasaun tuir servisu ema nian (Transformasaun sosiál).

Impaktu balun iha post-modernu nian ita bele haree aproveitamentu ne'ebé mak daudaun ne'e sistema kapitalizmu sira halo ema sai hanesan instrumentu ba akumulasaun lukru, entaun todan bo'ot ida ba moris umanidade, Ita haree iha explorasaun ida ne'e ba mane hotu, maibé feto sira mak sai vitima dobru, ida ne'e mak maneira no estratéjia kapitalizmu nian, influénsia ba ema nia pensamentu sai dogma, labele haree hetan sistema exploiitasaun ida ne'e, mak sira fó liu-husi saláriu sira, buat ne'ebé ita haree loro-loron iha Dili laran mós akontese,hanesan sira ne'ebé servisu iha lojá no emprezáriu sira maibé ida ne'e nesesidade mak obriga. Tuir Antropolójia Marxizmu (Joel Khan) nia define no kategóriza kapitalizmu hanesan sistema ida ne'ebé "Relasaun entre produsaun hodi forma klasse nune'e bele domina klasse sira seluk (traballador) tamba kapitál ne'e rasik iha podér ba forma formulasaun sosiál.

Nasaun sira ho modelu implementasaun estadu direitu demokrátiku, dala-barak ita haree laiha ema seluk atu hetan perturbasaun, abuzu podér no violasaun direitu umanus sira tamba buat hotu ho nia limitasaun husi lei ka laiha ema ida mak bo'ot liu lei (konstituisaun). Universamente, lahó demokrasia, lei bele uza hodi suprime vontade povu nian. Se bainhira estadu ne'e hamri'ik ho karakter direitu mak iha konstituisaun no lei sira atu garante no proteze ema hotu bazeia ba Direitus umanus (Equality before the law).

Era post-modernizmu ida ne'e ema ( Feto) sira luta maka'as oinsá bele muda sistema tuan sira,ne'ebé mak halo feto hetan diskriminasaun, bully, explorasaun, exploitasaun no vitima ba violasaun sira. Análiza ba kondisaun realidade ka umanidade iha Timor-leste atu dehan ukun-aan ona, seidauk ativamentu tuir sistema governasaun estadu direitu nian, sei iha hela faze ida passivamente. Ho ida ne'e mak obriga Feto sira luta ho mane maluk sira ne'ebé konsiénsia ba sistema refere, kontra hodi halo reformasaun nune'e bele fó rekoñesimentu ba ema hotu, liu-liu feto.

Partisipatoriamente iha esperénsia sira ne'ebé hetan influénsia husi fatór sira hanesan étnika, rasa, klasse sosiál, orientasaun seksuál (hormon individiál) no forma sistema inkluzibilidade, atu labele haree norma sosiál sira nu'udar buat grasa ida naturál ka forma husi maromak rasik. Entaun feto sira no grupu konsiénsializadu iha kubu-kubu sosiál kria alternativu oinoin atu bele forma sosiedade ida sein explorasaun, maka sira forma polítika liu-husi movimentu no kubu ideolójia ida ke klaru hodi muda hanoin mistiku sira.

Momentu sira hanesan ohin loron, Timor-Leste feto sira la'os sira mane sira mós balun pertense iha laran, kria assosiasaun, fundasaun, organizasaun no movimentu, tantu independente no dependente iha hotu. Iha kubu sira ne'e la'os de'it iha Timor-leste iha mós interligadu iha mundu, sira forma ho karakter oinoin, hanesan feminista radikál, liberál, progresiva no jéneru sosiál. Sira ne'e ho ideolójia polítika diferensa maibé ho tarjetu mak feto tenke moris seguru no dignu laiha explorasaun husi formas saida de'it.

Kestaun lubuk ida ha'u ka eleborador halo observasaun direita no indireita iha Timor-lesta, ema barak mak seidauk iha desizaun ida klaru hodi konkorda feto sira nia desizaun, parte seluk mós limita ba komunidade ki'ik sira ne'ebé moris ho karateristiku diferensa (Orientasaun Seksuál). Valor sosiál ne'e forma husi sosiedade lokál no lei relijiozu sira, haleu ema seidauk konsiénte ba formas sosiál sira maske lei estadu nian garante no fó dalan ba sidadaun se de'it iha direitu absoluta só lei mak bele limita. Laiha sidadaun ida mak atu impede ema seluk nia direitu sira, tenke respeit ema seluk nia privasidade, ema nia naran di'ak, ideolójia polítika, étnika, relijiozu, rasa no seluk tan.

Ema la satisfaz no la simu realidade ne'e, atu dehan sira haree kondisaun objetiva ne'e permanente no ema nia moris ne'e mós permanente, ida ne'e laloos ka sala. Realidade ne'e la'os sektária-fakmentasaun tamba klasse borjuista sira mak domina klasse médiu no baixa. Entaun sira halo distorsiasaun, kultus no komprende kona-ba evolusaun umanidade ho ida ne'ebé orienta Ema iha Timor-leste monu ba sira nia gaiola, tamba ema seidauk komprende sistema polítika agresivu no ho direitu umanus (Inerente). Se ohin loron iha Timor grupu ida ka rua ho quantidade ne'ebé minoria defende direitu umanus ema barak kestiona, haree husi aspeitu kulturál sira hanesan (Fé anemizmu, relijiozu sira, tradisaun, no valor sosiál sira seluk) atu halo ita nafatin aliñadu ba siste aat sira. Husi eleborasaun istorikamente atu dehan ida ne'e nu'udar kriasaun Umanu la'os naturál ("Segala yang di Dunia ini adalah konstruksi sosial").

Bainhira hanoin kona-ba konsiénsia umanu nian (Timor-Leste), dogma ka absurdu lo'os ona, tamba iha moris iha sosiedade hanorin ho metafisika, sorin seluk hanorin ho versaun idealizmu,balun fali ho ekstensializmu no barak tebes depende ba kondisaun moris nian (Le vecu). Seidauk maksimu iha Timor ita ko'alia kona-ba estadu direitu (Rechsstaat) no la'o de'it ne'e presiza investe maka'as iha edukasaun liu-liu iha siénsia no teknolójia, nune'e bele hahoris métodu hanoin ida ne'ebé krítiku bele haree hetan injustisa sosiál sira.

Ema balun nia moris halo adaptasaun to'o ona iha nivél modernu atu tama ba iha post-modernu, ema balun nia hanoin sei belit metin hela iha sosiedade feudal ka bele dehan balun sei iha hela Era Emperiu nian. Difikulta tebes ba ema seluk nia direitu, estadu balun la'os (Reschsstaat) maibé iha posibilidade sira respeita ema nia orientasaun sira. Iha Timor sistema lubuk ida mak einkaixa hela ema nia hanoin hodi limita ema seluk, posibilidade fó biban ba neo-kapitalizmu aproveita halo akumulasaun liu-husi sistema patriarkál no matriarkál, nune'e husi servisu salariál no explorasaun ba natureza liu-husi polítika negosiasaun.

Verifikasaun sira ne'e bazeia ba realidade (ente)Iha populasaun sívil balun komesa iha ona koñesimentu di'ak, oinsá bele hafahe propriedade sira no halo mudansa ba buat balun ne'ebé mak ladun di'ak, husi tradisaun ne'e rasik, hanesan sira fahe heransa ba jerasaun sira igual no bazeia ba kondisaun moris (sistema Parentál). Iha kostume balun kesi metin ema atu fahe buat ruma la justu, husi ema nia adaptasaun loron ba loron ho informasaun, sosializasaun no sains no teknolójia ema bele halo mudansa ba buat ne'ebé insatisfeitu husi ema seluk.

Sumáriu

Seráke feto nia ezisténsia iha Timor-leste hetan ona valorizaun husi kultura, polítika, podér ekonómia, sosiál no foti desizaun sira? Oinsá bele hatur justisa sosiál ida ho objetivu justu, fraternidade no serteza ba ema hotu, liu-liu ba komunidade marjinál, feto no grupu opremidu sira? Saida mak sai hanesan papél estadu nian atu pozisiona nia-aan hodi fó esperansa ba feto no komunidade marjinál sira? Tamba sa ita presiza valoriza malu no únidu hodi re-organiza ideias alternativu sira para ko'alia moris hanesan ba ema hotu?. Ida ne'e nu'udar reflesaun ba notas ne'ebé mak iha atu ita bele haree realidade sosiál iha Timor-leste oinsá, tenta ko'alia assuntu sira ne'ebé interligadu ho direitu ba moris (realidade no umanidade).