OMS-UNICEF KONKLUI WORSHOP AAG BA BEE NO SANEAMENTU IHA TL

DILI-04/10/2024-Média Defisiensia, Organizasaun Mundial Saude kolabora ho UNICEF hodi realiza Worshop Validasaun Analiza no Avaliasaun Global Ba Bee No Saneamentu iha Timor-Leste (signifika ingles GLASS), ho objetivu atu fornese politika no foti desizaun iha nivel hotu ho analiza ne’ebé akuradu.

Vise- Ministru Fortalesimentu Institusional Saúde, José dos Reis Magno, fó parabens ba MS no MOP bele iha ideia hanoin di’ak, hodi partisipa peskiza kona-ba analiza GLASS iha Timor-Leste hodi hatene prosesu Bee Moos no Saneamentu iha TL.

“Ha'u sente onra tebes iha ne'e, ohin loron ha'u hakarak kongratula Ministeriu Saude no Ministeriu Obras Públika, tanba deside atu partisipa iha peskiza kona-ba Analiza no Avaliasaun Global ba  Bee Saneamentu (AAGBS), Nasoen Unidas iha tinan ne'e hatudu kompromisu, no dedikasaun ne'ebé loloos husi nasaun ne'e atu halo monitorizasaun di'ak ba Objetivu Dezenvolvimentu Sustentável nian, alvu sira kona-ba Bee Moos no Saneamentu, Atu bele halibur dadus ba levantamentu ida ne’e maizumenus fulan ida nia laran, ko'alia liu kona-ba kolaborasaun, entre ministériu no parseiru xave sira”, Dehan V-MFIS José, iha salaun Hotel Timor, 03/10.

Vise- MFIS hatutan tan, agradese no parabens ba TL no ba Departamentu Saúde Ambiental, Ministeriu Saude no Ministériu Relevante sira ne'ebé envolve ita hotu atu fó esforsu ikus hodi identifika no kompleta kualkér lakuna levantamentu ida ne’e no sei asegura Timor-Leste hatudu dadus ne'ebé loloos liu.

“Kongratula Timor-Leste tanba uza plataforma dijitál e-GLAAS ba dala uluk, Ida ne'e sei asegura katak dadus sira-ne'e asesivel liu husi portal Glass no ba levantamentu no avaliasaun sira iha futuru ne'e sei asegura dadus sira-ne'e asesivel liu husi portal GLAAS no ba levantamentu no avaliasaun sira iha futuru sei fó mós evidénsia atu suporta foti desizaun ne'ebé informadu kona-ba Bee, Saneamentu no Ijiene iha nivel hotu inklui desizaun polítika prinsipál nivel aas nian”, Afirma VMFIS.

Iha fatin hanesan Representante Organizasaun Mundial Saude iha TL, Arvind Mathur, dehan  atividade ohin importante tebes ba linña ministeriais atu halo avaliasaun, no haree hamutuk atividade sira ne'ebé fulan ida ne'e hala’o ona, hodi  bele hato’o relatoriu sira ne’e ba iha Organizasau Mundiál ba Saúde iha TL.

“Ha'u hanoin importante tebes iha linhas ministeriais parte relevante sira hotu-hotu iha programa, saúde nian mesak labele halo buat ida, tenke ita iha independensia ba malu ho setor sira seluk, teknikamente Ita hetan apoiu husi organizasaun mundiál saude. Tanba ne’e iha atividade saúde sira ne'e Organizasau Mundiál ba Saúde reprezentante UNCEF no UNFA sira hotu-hotu sempre iha ita nia sorin hodi suporta no ko'alia kona-ba  Bee no Saneamentu, ita espera partisipante sira sei hamutuk kontinua nafatin enkontru ne'e, hodi prepara relatoriu sira sei submete ba  Organizasau mundiál 15 Outubru tinan ne'e”, Tenik Representante OMS iha TL.

Entretantu, Organizasau Mundiál Saúde iha TL, UNICEF no Parseiru sira hein relatóriu levantamentu GLAAS nian, no análiza dadus kona-ba elementu sistema BESI nian, hanesan governasaun, monitorizasaun, finansas no rekursu umanu sira, inklui área sira ne’ebé sei kontribui ba ajenda Objetivu Dezenvolvimentu Sustentavel, no Mudansa Klimátika nian.

Jornalista  : Geraldino Magno

Editor       : Média RKDTL