Dili-14/09/2024- Média Defisiensia, Prezidente Parlamentu Nasionál (PPN) Maria Fernandes Lay hasoru malu ho Prezidente José Ramos Horta hodi atualiza dadus ezekusaun orsamental no abertura mós segunda legislativa da 6 Parlamentu Nasionál nian iha 16 fulan ne'e, informa mós
Tuir
Fernandes Lay hatete, ohin hasoru malu ho Prezidente atu hare ba abertura
segunda legislativa ne'ebé sei akontese iha 16 agora, inklui mós atualiza
ezekusaun orsamental ba sira.
nune'e atu
informa hela mós kona ba atividade importante ne'ebé foin lalais iha 09/09/ Timor
oan hotu simu Sua Santidade Papa Francisco nia vizita ne'e la iha
desentendimentu ida tanba buat hotu la'o ho di'ak.
"Ita
hatene katak iha loron 16 fulan Setembru iha sesaun solene iha abertura segunda
sesaun legislativa da 6 Parlamentu Nasionál nian, tanba ne'e ha'u mai konfirma
dadus balun ne'ebé Prezidente Repúblika presiza atu mensióna iha nia mensajen
ba povu iha loron 16.
Iha asuntu
seluk ne'ebé liga ho lejislasaun ne'e ami mós ko'alia mais prinsipál liu ba
sesaun abertura iha loron 16.
Dadus ne'ebé
atualiza ba Prezidente Repúblika mak liga ho ezekusaun orsamentál, tanba
bainhira Xefe Estadu ko'alia ba povu sei temi ezekusaun orsamentál halo nusa,
tanba ne'e mak mai informa ba Xefe Estadu.
Ami informa
mós ba malu kona-ba atividade bo'ot ne'ebé governu, Parlamentu Nasionál, no
povu tomak sente iha loron 09 to'o 11 liu ba amu Papa Francisco nia vizita no
mós vizita Sekretáriu Jerál ONU Enjeñeiru Antonio Guterres nian ne'ebé buat
hotu-hotu la'o di'ak.
Iha diskursu
iha Parlamentu Nasionál ami sei temi, liu-liu ba joven sira ne'ebé mantein
estabilidade iha ita nia rai laran no fó imprensaun ba mundu tomak katak Timor
iha pás no estabilidade ida ne'e mak importante,"Dehan PPN ba Jornalista
sira hafoin remata hasoru malu ho PR 13/09.
Nia informa,
kona ba lei pensaun vitalisa ne'e seidauk iha diskusaun, maibé sei hare hodi
diskute atu nune'e bele fo benefisiu barak povu, no tuir nia reprezenta povu ba
iha Parlamentu Nasionál, la'ós tanba pensaun vitalisa.
"Lei
pensaun vitalisia ne'e seidauk iha diskusaun, tanba ne'e ita sei haree atu koa
hotu ka, taka hotu kedas pensaun ba kotuk sira ne'e ka oinsá depois mak ita sei
ko'alia.
Tanba ha'u
hanoin importante maibé ita labele haluha katak aprovasaun pensaun sira ne'e
iha lejislatura anteriór, sei iha razaun ruma atu taka hotu tanba osan laiha,
ba ha'u laiha problema.
Proposta ba
alterasaun lei pensaun vitalisia iha ona hein katak ami sei halo konsulta tanba
lei pensaun vitalisia ne'e lá'os ba deputadu sira de'it, ita bo'ot sira fokus
deputadu mais membru governu mós hetan, titulár orgaun soberania mós hetan,
tanba ne'e atu hamoos, hamoos hotu kedas ba ha'u laiha problema.
Tanba ha'u ba
Parlamentu Nasionál la'ós ba hanoin pensaun vitalisia ba ha'u, ne'ebé ha'u
hanoin atu hamoos ita iha osan barak liu tan ba povu, ha'u konkorda tebe-tebes,
bele tau iha públiku, ba ha'u laiha problema," nia informa.
Nia hatutan,
liga ho SEATOU nia atetude ne'ebé hatudu ba maluk negosiante sira foin lalais
virál iha média sosiál ne'e fiar PM fo ona atensaun, maibé husu povu atu la
bele fa'an okupa iha fatin públiku sira.
"SEATOU
nia intervensaun mak dala ruma hakat liu limiti sira maibé ha'u fiar Primeiru
Ministru mós fó ona atensaun katak SEATOU mós membru governu no ami hanesan
reprezentante povu tenke tau matan, mas povu mós labele ba faan sasan iha
estrada tanba ne'e fasilidade públiku, se ita la'o karreta de'it la di'ak,
populasaun atu sirkula ba ne'ebé la di'ak ne'e ha'u hanorin la loos.
Ne'ebé iha
asuntu barak ne'ebé ita tenke tau iha konsiderasaun tanba durante ne'e ita iha
lei mas la la'o agora hala'o ita iha lei sala, ema sira ne'ebé uluk aprova lei
ne'e mós agora kestióna fali, se lei mak la di'ak ita hadia, maibé públiku
tenke respeita área sira ne'ebé fasilidade públiku ba ema hotu se la'e ita taka
dalan ba ema seluk.
Se hakarak halo
merkadu kiik-kiik atu besik liu ba populasaun hodi ba sosa laiha problema mas
labele ba taka dalan públiku hodi faan sasan iha ne'eba, satan iha momentu
prevensaun ba Papa Francisco nia vizita, hamoos tiha ita ba halo foer fali ida
ne'e mak la loos," hakotu nia.
Enkuantu nia
dehan la'ós la defende povu, mais defende bainhira loos tanba SEATOU mós iha
lei mak halo asaun hirak ne'e, se lei ladun loos fiar katak Primeiru Ministru
mós tau matan ba ida ne'e, tanba ida
ne'e preokupasaun komún.
Jornalista : Anselmo Martins
Editór : Média RKDTL
0 Comments