KO APREZENTA PROGRESU SERVISU PREPARASAUN FESTIVAL RABILAU BA PR

 

Dili-24/09/2024-Média Defisiensia, Prezidente Republika Demokratika Timor-Leste enkontru ho governu, hodi rona Komisaun Organizador Festival Rabilau, aprezenta progresu servisu sira kona-ba atividade preparasaun durante ne’e ba Xefe Estadu.

Vise-PM, MCAS NO MDRHC, Eng. Mariano Assanami Sabino, hanesan Prezidente Organizadór ba Festival Rabilau hatete, iha atividade festival ne’e sei promove kultura no turismu ba mundu internasional no lokal durante festival.

“Ami enkontru ho Prezidente Republika tanba ho inisiativu PR kordena ho governu, hanesan Prezidente ba Komisaun Organizadér ba festival rabilau ita hakarak promove ita nia kultura no turismu, iha atividades lubuk ida mak ita sei halo iha festival ne’e, ita hei katak ema internasional ema nasional no ema hotu bele hola parte iha festival ne’e importante tebes atu ita promove ita nia kultura hanesan barlake festa sira, ita nian kultura hahan oinsa ho polinariu tein ita nia hahan nutritivu ne’ebé mak ita iha, nune’e mós iha lia moris no lia mate ne’ebé ita nia beiala sira halo ita hakarak promove fali ne’e sei hahu iha loron 16-19 maibé hahu kedas iha loron 15 iha interministerial”, Dehan KO iha Palasiu Prezidente 23/09.

Komisaun Organizadór hatutan, komponente haat hanesan seminar, promosaun, desportu marathon no seluk tan mak sei realiza, iha festival rabilau hahu loron 15-19 fulan Outubro tinan ne’e.

“Komponente 4 ne’ebé mak ita halo liga ba festival komponente primeiru maka iha seminariu no mós halo promosaun ba teknolojia ne’ebé lidera husi Ministeriu Ensinu Superior, ita mós iha atividade desportu ne’ebé lidera husi Ministerio Desporto sei koalia kona-ba Dili maratona sei koalia mós atividades lubuk ida mak iha ne’eba no festival rabilau maka sei lidera husi Sekertariu Estadu Arti no Kultura sei iha atividade lubuk ida. Fasilidade no infraestrutura sira sei lidera husi Ministeriu Obras Publuka tau matan ba bee moos, estrada no eletrisidade,  kona-ba informasaun sira ne’e hotu sei kompleta husi Sekertariu Estadu Komunikasaun Sosial  mak sei halo klean liu tan. Ohin apresenta fila fali ba prezidente republika katak komisaun preparadu ona iha loron 15 komesa ona atividade iha rabilau too loron 19 fulan Outubru tinan ne’e”,Tenik KO.

Entretantu, iha atividade festival iha Rabilau Postu Maubisse, Munisipiu Ainaro presija promove ita nia illa, nune’e bele dada turista rai-liu’ur no rai laran sira bele mai iha ita nia fatin, festival refere sei iha atividade komponente barak mak sei ligadu ba polinariu, arte kultura no transporte hanesan hotel-na’in sira sei partisipa hotu. Bainhira ita promove illa ida ne’e atu ita hotu hodi sente hola parte iha promosaun atividade festival ne’e.

Jornalista : Anselmo Martins

Editor : Média RKDTL